Бүген Арча стадионында 22 кышкы Олимпия уеннары һәм 11 Паралимпия уеннарына багышланган "Бердәм ил- бер команда" исеме астында чаңгы ярышлары үткәрелде. Әлеге ярышта безнең мәктәп командасы да актив катнашты. 2007-2010 елгы малайлар арасында Низамутдинов Кәрим 2 урын, 2002-2004 елгы кызлар арасында Сайфуллина Динә - 2 урын, Хәбиева Ландыш - 3 урын, 2000-2001 елгы кызлар арасында Фазлиева Илүзә - 2 урын, 2000-2001 елгы малайлар арасында Ахметзянов Алмаз - 3 урын, 2002-2004 елгы егетләр арасында Шакиров Илназ - 1 урын яуладылар. Эстафета  ярышында малайлар командасы -1 урын, кызлар командасы - 2 урын алдылар. Чангычыларыбызны һәм аларның тренерлары Ситдиков А. Г.ны әлеге җиңүләре белән котлыйбыз!

   Сегодня в школе провели Республиканскую  акцию «Яркая здоровая зимушка-зима».  Участники  отряда  STS  вместе со учащимися 1-4 классов вышли на школьный двор.   С учениками  провели разъяснительную беседу о здоровом образе жизни и провели любимые подвижные  игры  на свежем воздухе.

Мәктәбебездә хәрби-патриотик айлык бара. Укучылар район күләмендә үтәчәк "Аҗаган" уенына әзерләнәләр. Физкультура укытучысы Ситдиков А.Г. мәктәп командасын пневматик мылтыктан атарга,гранаталар ыргытырга, марш атларга, винтовка сүтеп-җыярга өйрәтә. Унынчы февральдә үтәчәк уеннарда укучыларга уңышлар телибез.

Бүген 8-9 класс укучылары Арча районы ПДН инспекторы капитан Э.С.Усманова белән очраштылар. Инспектор җәмәгать урыннарында үзенне тоту кагыйдәләрен искә төшерде, яшүсмерләр тарафыннан хокук бозу очракларына мисаллар һәм алар китергән нәтиҗәләр белән таныштырды. Кичке рейдлар турында кисәтте һәм һәр бала  22.00 дән соң өйдә булырга тиеш дип аңлатты. Укучылар үзләрен кызыксындырган сорауларга җаваплар да тыңладылар.

Әзәк башлангыч мәктәбендә   мәктәптәге музейга экспонатлар җыю максатыннан, "Чал тарихы булган халкым бар!" исемле тәрбия сәгате үткәрелде.Укучылар үзләре алып килгән экспонатлар турында сөйләделәр.Музейдагы экспонатларның ни өчен кулланылганы , аларны кемнәр алып килгәнлеге , хәзер алар урынына нәрсәләр кулланылуы турында укучылар мәгълүматлар  алдылар.Киләчәктә дә әби-бабаларыбыздан калган истәлекләрне, тормыш-көнкүреш әйберләрен җыярга ,аларны сакларга карар кылдылар.

Хәрби  - патриотик айлык  кысаларында  укучыларның  үзләренә  шефлыкка билгеләп куелган " Сугыш  чоры балалары"  белән  очрашулары  дәвам итә. Алар  анкеталарны   яңарталар һәм  киләчәктә   башкарыласы  фәнни - тикшеренү  эшләре өчен материал  туплап кайталар.  Андый  сугыш афәтен беребезгә дә  бүтән күрергә язмасын.

2 февраль - Бөтендөнья  сулы һәм сазлыклы җирләрне саклау көне. 

Әлеге дата 1997 нче елдан бирле билгеләп үтелә. 1971 нче елның нәкъ шул көнендә Иранның Рамсар каласында, су кошларының тереклек итү урыны буларак халыкара әһәмияткә ия булган су-сазлыклы җирләрне саклау максатыннан, "Сулы һәм сазлыклы җирләр турындагы конвенция"гә кул куелган була.

Бүген, 30 нчы январь көнне, салкын булуга карамастан, Әхмәтҗанова Г.Х. һәм Хәбибуллина Г.Г. бер төркем укучылар белән Иске Кырлай авылында гомер итүче бердәнбер сугыш ветераны Камалов Әнвәр Галәү улы янында булып кайттылар. Әлеге очрашу вакытында "Авылдашыбыз Шәйдуллин Лотфулла - Муса Җәлил көрәштәше" темасына башкарыла торган эзләнү эше өчен байтак файдалы мәгълүмат туплап кайттылар. Ул елларның шаһите булган Әнвәр абыйга нык сәламәтлек телибез, тагын шундый очрашулар насыйп булсын.

Бүген башлангыч классларда гриппны кисәтү, саклану буенча тәрбия сәгате үткәрелде. Укучыларга халык медицинасыннан төрле саклану, иммунитетны ныгыту буенча киңәшләр бирелде.