Бүген Арчада Яшьләр эшләре һәм спорт министрлыгы белән берлектә "Балалар иҗтимагый оешмасы" оештырган  республикакүләм  "Яшь гражданнар форумы" узды. Анда безнең мәктәптән Рахимова Д.Д., Минҗанова Ф.Ф., Галимҗанова А.Р. катнашты. Җитәкчеләре Шарафетдинова Г.Н. Соңыннан барлык катнашучыларга сертификатлар тапшырылды.

Сөекле шагыйребез Г.Тукайның әдәби мемориаль  музей комплексында  мәктәбебезнең башлангыч класс укучыларына мәдәни  көндәлек тапшыру кичәсе булды. Бу кичәдә мәктәп китапханәчесе Мифтахетдинова Ф.А., музей хезмәткәрләре һәм авыл китапханәчесе Ахметзянова  Н.Н., мәдәният йорты директоры укучыларга мәдәни көндәлекне ничек тотарга кирәклеген аңлаттылар. Үзләренең фикерләрен,теләкләрен әйттеләр. Кичә 1 класс укучыларына багышланган фильм карау белән тәмамланды. 

Бүген мәктәптә күмәк өмә оештырылды. Укучылар мәктәп территориясен чүпләрдән, яфраклардан арындырдылар,агач кәүсәләрен агарттылар, чәчәклекне тәртипкә китерделәр.

Бүген Яңа Кырлай авылы мәдәният йорты белән берлектә 1-6 класслар өчен, "Без терроризмга каршы!" девизы астында,  "Халыклар дуслыгы" дип аталган кичә үтте. Кичә төрле милләт биюләре һәм  матур җырлар белән үрелеп барды.

Бүген мәктәпкә Арча районының җирлек башлыклары килде.Укучыларыбыз мәктәп каршында дәртле биюләре белән каршы алды. Сөмбелә исә байлыгы белән уртаклашты. Кунаклар балалар бакчасында да булдылар. Җирлек башлыклары районыбыз мәктәпләренең яңа уку елына әзерлекләрен карыйлар.Яңа уку елына әзерлек уңай дип бәяләнде.

Мәктәбебездә халык күңеленә "Калфаклы сандугач" булып кереп калган мәшһүр композитор Сара Садыйкованың кызы Әлфия Айдарская белән очрашу булды. Очрашуны мәктәп китапханәчесе Мифтахетдинова Ф.А. һәм музыка укытучысы Шарафетдинова Г.Н. алып бардылар. Кичә Сара Садыйкованың җырлары белән үрелеп барды. Аларны югары класс укучылары Галимҗанова А. һәм Минҗанова Ф. башкардылар. Әлфия Айдарская китапханәгә күптән түгел дөнья күргән "Биби Сара моңнары" һәм "Ил кызы" дип аталган җырлар китабын бүләк итте. Укучыларга укуларында уңышлар теләп калды.

Бүген мәктәптә Казан шәһәре "Мәшгульлек үзәге" вәкиле Биккимеева Диләрә Рифкать кызы белән очрашу булды.Ул укучыларны мәшгульлек үзәгенең хезмәте белән таныштырды. 8-11 класс укучылары арасында, профессия сайлау буенча тест уздырды.

Куркынычсызлык айлыгы кысаларында бүген мәктәпкә Яңа Кырлай авыл җирлеге буенча участок инспекторы Дамир Раисович килде. Ул укучыларга юлларда куркынычсызлык кагыйдәләрен исләренә төшерде,аларны төгәл үтәргә кушты. Укучыларга яктылык чагылдыручы смайликлар бүләк итте. Очрашу бик җанлы һәм файдалы булды.

15 сентябрь - Татарстан Варислары берлегенең туган көне. Шул уңайдан “Дуслык” дружинасы активы һәм “SаMоSтоятельные дети” проекты катнашучылары 5,6,7 класс укучылары арасында, саф һавада төрле, мавыктыргыч уеннар уздырдылар. Соңыннан, тамакларын ялгап алганнан соң, шат күңел белән өйләренә таралыштылар.