Бүген Казан шәһәренең "Полимер" мәдәният сараенда "Алтын Лира" Бөтенроссия балалар һәм яшүсмерләр иҗаты фестиваль-конкурсы гөрләп узды. Конкурста безнең мәктәпнең 2 нче класс укучысы Сөнгатуллин Д.Р.(Җитәкчесе Солтанова Г.Р.)уңышлы чыгыш ясап, 3 нче урынга лаеклы булды. Уңышыгыз белән котлыйбыз! Киләчәктә тагын да зурырак үрләр яулавыгызны теләп калабыз.

Әни, әнкәй, нәнәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, җыр көйләп юатучы, татлы йокыдан иркәләп уятучы, яшәргә көч-дәрт бирүче, гомер буена кайгы–шатлыкларыбызны уртаклашучы, тормышыбызның бизәге, таянычы, акыллы уй–фикерләре белән тормыш дигән олы юлдан алып баручы ул. Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер–хөрмәттә яшәргә язсын.

Бүген 10-11 класс укучылары арасында "Кызыклы математика" уены узды. Укучылар уенның төрле этапларында  бик актив катнаштылар. Математик мәсьәләләр чиштеләр, рәсемнәр ясадылар, викторина сорауларына җаваплар бирделәр. Нәтиҗәдә 10 нчы класс укучылары җиңү яуладылар.

Бөек математиклар. Математика патшалыгы –ул борынгы дәүләт. Күп гасырлардан килгән тарихы бар. Бүген укучылар тәрбия сәгатьләрендә шул тарих белән таныштылар. Үзләре дә галимнәрнең эшләре белән таныштырдылар.

"Физик викторина" Физика фәненеӊ дөньякүләм әһәмияте бик зур һәм ул иӊ кирәкле фәннәрнеӊ берсе. Илебезнеӊ киләчәген тәэмин итүдә, аныӊ нигезен ныгытуда бу фән зур көчкә ия. Хәзерге вакытта көн дә очраша торган мәгълүмати-коммуникатив һәм нанотехнологияләр киләчәк быуннан төпле белеем алуны таләп итә. Тулаем алганда, физика фәне – кешелек тарихында техник прогрессныӊ төп двигателе ул. Шуларны истә тотып укучыларның физика фәненнән белемнәрен тикшерү максатыннан 9 -10 класс укучылары өчен викторина үткәрелде. Викторина барышында укучылар үзләренең белемнәрен күрсәттеләр, шулай ук төрле кызыклы ачышлар белән таныштылар.

Атналык кысаларында физика укытучысы Хабриев Ш.С. башлангыч класс укучыларын үзенең лабораториясе белән таныштырды. Укучыларга төрле физик тәҗрибәләр үткәреп күрсәтте.  Укучылар үзләре дә тәҗрибәләрне бик теләп эшләп карадылар. Лабораторияга экскурсия укучылар өчен кызыклы булгандыр дип ышанып калабыз.

Атналыкның икенче көне. Бүген 6 нчы класс укучылары өчен  "Математик кафе" уены  үтте (укытучы Ганеева А.М.), 7 нче класс укучылары информатик ребуслар чиштеләр (укытучы Ганеев И.Т.).