Бүген хезмәттәшебез Хәбриев Шамил Садыйк улының туган көне. Сезне җан тибрәлешегез яктылыкка омтылып, дөньяга килгән көнегез белән котлыйбыз! 60 яшь ул нибары 60 кыш, 60 җәй һәм 60 яз гына. Йөзегездә нур уйнап торганда, сезнең өчен ул гомерегезнең җәе генә. Әле аның көзе дә, кышы да, кабат әбиләр чуагы да булыр. Сезгә бездән бер генә теләк — саулык, ә тән сихәтлеге ул — озын гомер, шатлык, бәхет һәм күңелеңдәге илаһи нур тамчысы. Киләчәктә балаларыгыз вә оныкларыгызның игелеген, шәфкатен күреп, тормышка сөенеп яшәргә язсын.

Күпме генә бәхет теләсәк тә

Бик аз булыр кебек тоела.

Кирәк чакта ярдәм итәсез,

Шәфкатьле сез һәрбер кешегә.

Шуңа сезне бар да яраталар,

Дус-ишләр дә йөри килгәләп.

Сау-сәламәт булып туксанны да,

Үткәрергә язсын бергәләп.

Бүген «SaMoSтоятельные Дети» проектында катнашучы “ЭRON” отряды, педагог-организатор Шарафетдинова Г.Н. җитәкчелегендә “Здоровая пробежка” акциясен уздырды.

Укытучылар көне уңаеннан "SMS дети" республикакүләм проектта катнашучы "ЭRON" отряды мәктәптә  "Укытучыңны котла" акциясен уздырды. Укучылар барлык укытучыларга изге теләкләрен җиткереп, матур букетларын бүләк иттеләр, газета чыгардылар.

Бүген Г.Тукай мемориаль музеенда Россия композиторлар берлеге әгъзалары белән җылы очрашу булды.Делегация Рәшит Калимуллин җитәкчелегендә  Кытайдан, Авсртралиядән, Башкортстаннан, Красноярскидан һәм Казаннан килгән иде. Араларында Резеда Ахияроваь, Илһам Байтирәк һәм яшь композитор Алсу Сцнгатуллина да бар. Екатерина Коврикова бик матур итеп рояльда  композиторларыбызның әсәрләрен  башкарды. Тере музыка укучыларыбыз кунеленә хуш килде. Мондый очрашулар ешрак булсын иде дигән теләктә калабыз.

Мәрхәмәтле Татарстан акциясе уңаеннан мәктәптә бүген "Мин спортны яратам" дип аталган флешмоб үтте.

Бүген мәрхәмәтлелек атнасының өченче көне. Ул Бөтендөня туризм көне буларак билгеләп үтелде. Укучылар саф һавда булдылар, соңыннан Г.Тукай мемориал музеена сәяхәт кылдылар.

Яңа Кырлай урта мәктәбендә укучыларга дини яктан гыйлем һәм тәрбия биргән мөгәллимәбез Гарипова Зәйтүнә Мингали кызы еш була. Иртәнге линейка вакытында июнь аенда «Арча» радиосында оештырылган Коръән укучылар бәйгесенең нәтиҗәләре белән таныштырды. Бәйгедә Арча район мәхәлләләрендә белем алучы шәкертләр тарафыннан укылган сүрә һәм аятьләр радио аша яңгырады һәм 4 класс укучысы Шакирова А. әлеге бәйгедә 3 урынны яулады. Зәйтүнә Мингали кызы җиңүче һәм калган катнашкан укучыларга Арча мөхтәсибе Раил хәзрәт Гыйләҗев һәм иганәчеләрнең истәлекле бүләкләрен тапшырды, укучыларның рухи-әхлакый сыйфатларга ия булып үсүләрен теләп калды.

Бүген көзге Мәрхәмәтлелек атнасы старт алды. Мәрхәмәтлелек атнасы гадәттәгечә Яхшылык дәресеннән башланып китте.