15-16 нчы  февральдә мәктәбебез үзешчәнәре "Йолдызлык-2016" иҗат фестиваленең сайлап алу турының икенче этабында  катнаштылар.   1 нче класстан-Сафия Сабирова,  3 нче класстан- Артем Петров, 9нчы класстан  Энҗе Габдуллина-җыр, 9 нчы класстан Алия Ханова - бию, 9 нчы класстан  Гүзәл Газетдинова, 4нче класстан Айгизә Марданова , 6нчы класстан Газиз Мансуров - алып баручы  буларак район сәхнәсендә сыналды. Катнаш вокаль ансамбль чыгышы, күмәк татар биюе, күмәк яһүд биюе   дә жюри хөкеменә тәкъдим ителде

Бу көнне 4 нче класс укучылары зарыгып көттеләр. Класста - "Ягез әле, егетләр" бәйгесе!  Бәйгедә сыйныф егетләре төрле конкурсларда үзләрен сынадылар. Белемнәре, җитезлекләре тикшерелде, бәрәңге дә әрчеделәр, суган да турадылар, кызларга матур-матур прическалар ясадылар. Егетләр сынатмады. "Иң тырыш егет" номинациясендә Арсланов Азамат, "Иң акыллы егет" номинациясендә Таймасов Руслан җиңделәр. Ә кызлар гадел хөкемдарлар булдылар.

  15 нче февраль- патриот- шагыйрь Муса Җәлилнең туган көне. Шагыйрьнең 110 еллыгы уңаеннан татар теле һәм әдәбияты укытучысы Шәемова Альбина Мөбәрәк кызы урта һәм башлангыч класс укучылары өчен "Җыр булып яши күңелдә" дигән темага әдәби кичә оештырды.   Кичәдә укучылар Җәлил турында белемнәрен сынадылар. "Кызыл ромашка" һәм " Бакчачы" командаларына бүленеп, "Үз уеным" кысаларында биремнәр үтәделәр, шигырьләрен яттан  сөйләделәр, Герой шагыйрьгә багышлап чыгарылган стена газетасы да күпләрнең игътибарын җәлеп итте. 

Башлангыч класс укучылары татар шагыйре, язучы һәм драматург Фәнис Яруллинны искә алу кичәсе үткәрделәр. Кичәдә аның тормыш юлы, иҗаты белән таныштылар. Җырлар тыңладылар. Соңыннан әкиятләренә иллюстрацияләр ясадылар. 

 Подведены итоги муниципального этапа Республиканского конкурса изобразительного искусства и художественно-прикладного творчества "Открытая страна детства" в рамках 18-го  Международного  фестиваля "Детство без границ". Среди призеров есть и наши ученики.  В номинации "Умелые руки. От творчества к мастерству" ученица 4-го класса Алия Габдуллина  (рук. Исламова А.Ф.) и ученик 7-го класса Рустам Хурматуллин ( рук. Нуриев Ф.Ш.)  заняли 3 места, Шакирова Ильвина заняла 5-ое место ( рук. Нуриев Ф.Ш.).  Поздравляем!

 Класс җитәкчесе- укучыларның җитәкчесе дә,    дусты да, юнәлеш бирүчесе дә. Такталачык төп гомуми белем бирү мәктәбенең  беренче класс җитәкчесе Шәмсиева Миләүшә Рафаел кызы район күләмендә үткәрелгән бәйгедә үзенең әзерләгән чаралары, эшчәнлеге буенча проект яклавы белән моны исбат итте. Яңа Әлем мәктәбендә ике көн дәвам иткән бәйгедә катнашып, ул "Самый классный- классный" номинациясе җиңүчесе булды.  Аны бу җиңүе белән котлыйбыз, киләчәктә тагын да зуррак уңышларга ирешүен телибез

Татар әдәбияты фәне буенча уздырылган Республика күләм олимпиадада катнашып, 9 нчы класс укучысы Энҗе Габдуллина 2 урын яулады (укытучысы Шәемова А.М.). Аларны зур җинү белән котлыйбыз. Киләчәктә дә уңышлар телибез.

 Такталачык төп гомуми мәктәбенең актлар залында Бурсык, Тат Ямалы, Теләкәй, Такталачык балалар бакчасы  һәм мәктәп укучылары, коррекцион мәктәп коллективы  "Йолдызлык-2016" иҗат фестивале уңаеннан әзерләнгән концерт номерларын күрсәттеләр. " Яшь  артист"ларның чыгышына  районнан килгән мәртәбәле жюри бәя бирде. Шактый концерт номерлары сайлап алу турына тәкъдим ителде. Аларга уңышлар телибез.

«Гаилә һәм мәктәп» журналы уздырган «Зирәк бала» конкурсының  «Проект эше» номинацясендә  «Граф в моем графстве» темасы белән уңышлы чыгыш ясап, 9 нчы класс укучысы Газетдинова Гүзәл лауреат дипломы белән бүләкләнде. (Җитәкчесе: Гыйльфанова А.М.)