Такталачык төп гомуми белем бирү мәктәбе базасында Г. Тукайның әсәрләрен сәхнәләштерү буенча районкүләм конкурс булып узды. Безнең мәктәпнең 1-5 нче класс укучылары,  сөекле шагыйребезнең сабыйлар өчен язылган "Бәйрәм бүген, "Театр",   "Бала белән күбәләк", Кызыклы шәкерт", "Фатыйма белән сандугач", "Бичара куян","Кошларга"  әсәрләреннән үзенчәлекле композиция төзеп, тамашачыга тәкъдим итте.    

 Такталачык төп гомуми белем бирү мәктәбендә ел саен,  район күләмендә үткәреләсе техник иҗат фестиваленә әзерләнү максатыннан, кул эшләре күргәзмәсе һәм рәсем күргәзмәсе оештырыла. Быел бу күргәзмә ата- аналарга тәкъдим ителде.

           Г.Тукайның юбилее уңаеннан мәктәптә төрле чаралар үтә: шигырьләр ятлау, рәсемнәр ясау, китаплар күргәзмәсе оештыру, көн саен китап уку минутлары үткәрелә. Укучылар, күбесенчә, Г.Тукайның балалар өчен язылган китапларын һәм Ә.Фәйзинең "Тукай" романыннан өзекләр укыйлар. Ә менә сигезенче класстан Регина Гаязова, җиденче класстан Эльвина Шакирова дәрестән тыш вакытта Тукайның балалар өчен язылган шигырьләре буенча төрле материаллардан үзенчәлекле панно ясадылар. (җит. Нуриева Ә. Г.)

 Такталачык төп гомуми  белем бирү мәктәбендә "Федераль дәүләт стандартларын тормышка ашыру барышында мәктәп һәм гаилә бердәмлеге" дигән темага  ата аналар җыелышы үткәрелде. Көн тәртибендә икенче яртыеллыкта укыту тәрбия өлкәсендәге башкарылган эшләр, проблемалар турында сүз алып барылды.  Олимпиадаларда, төрле бәйгеләрдә, спорт ярышларында җиңеп чыккан, җәмәгать эшләрендә аеруча активлык күрсәткән укучыларның әти- әниләренә директор тарафыннан рәхмәт хатлары тапшырылды. Төп дәүләт имтиханнары турында ата-аналарга информация җиткерелде. Мәктәп тормышын чагылдырган видеопрезентация ата-аналар күңеленә аеруча хуш килде. Ата- аналарның педагогик белемнәрен арттыру максатыннан фикерләр дә  тәрбия темасына кагылышлы видеороликлар аша тәкъдим ителде.

 Такталачык төп гомуми белем бирү мәктәбе укучылары "Язгы шәфкатьлелек атнасы" кысаларында,  мәктәпнең тирә- ягын җыештыру өчен, бердәм рәвештә өмәгә чыкты. Өмәдә өлкәннәр дә, башлангыч класс укучылары да теләп катнашты

 Такталачык төп гомуми белем бирү мәктәбе укучылары  каен бөресе җыю  белән шөгыльләнергә дә вакыт таба.   Саф һавада, кошлар тавышын тыңлый- тыңлый, язгы табигатьтә  дуслар белән гөрләшә- серләшә,   файдалы эш башкару- үзе бер дәва. Узган ел дару үләннәрен тулай җыем буенча мәктәп өченче урында иде,  быел да калышмаска исәп.

Татарстан Президенты Рөстәм Миңнеханов 2016 нчы елны Су саклау зоналары елы дип игълан ителү турындагы указга кул куйды. Җәмәгатьчелек игътибарын су объектларын саклау һәм тергезүгә, су биологик ресурсларының яшәү мохитын саклауга җәлеп итү буенча укучылар арасында макетлар конкурсы игълан ителде. Бу конкурста Такталачык төп гомуми белем бирү мәктәбе укучылары ясаган макет II урынны алды. Макетны якладылар  - Хазиева А. (5 класс), Мансуров Г. (6 класс). Җитәкчеләре технология укытучысы Нуриев Ф.Ш. Һәм Низамов Р.Т.
    Башлангыч сыйныф укучылары да бу конкурстан читтә калмадылар. Алар ясаган макет конкурста катнашып сертификат белән бүләкләнеп кайтты. Макетны Габдуллина А. , Марданова А. яклады. Җитәкчеләре : Исламова А.Ф.  Булдырдыгыз! Уңышлар телибез сезгә.

 Такталачык төп гомуми белем бирү мәктәбе укучылары Су саклау зоналары елы уңаеннан үткәрелгән районкүләм рәсем конкурсында теләп катнаштылар.  Йомгаклау тантанасында 2 класс укучысы  -Г. Газетдиновага, 5 нче класс укучысы И.Гаязовка сертификат  тапшырылды. 7нче класс укучысы И.Шакирова җиңүче исеменә лаек булды.

  Такталачык төп гомуми белем бирү мәктәбендә,  "Гагарин белән бергә108 минут" республика акциясенә кушылып  төрле чаралар узды. Укучылар галәм серләре турында үзләренең белемнәрен арттырдылар.  Тәрбия эшләре буенча директор урынбасары Нуриева Ә.Г.  нәниләргә технология кабинетындагы авиамодельләргә нигезләнеп,  беренче  космонавтның галәмгә күтәрелү тарихы белән таныштырды. Башлангыч класс укучылары дәрестән тыш эшчәнлек вакытында Космонавтика көненә карата рәсемнәр ясадылар.

Учителя МБОУ «Такталачукская ООШ» Гильфанова А.М. и Шаемова А.М. приняли участие в очном республиканском турнире «Компьютерная грамотность», проведенном в МБОУ «Средняя общеобразовательная школа № 10 с углубленным изучением отдельных предметов» г. Нижнекамска РТ (Школа- центр компетенции в электронном образовании). Они защитили проекты «Электронное пособие по предмету».