Мәктәп бакчасында эшләр язын да, җәен дә, көзен дә тынып тормый. Быелгы уңышны җыеп алуга, алдагы ел турында кайгыртырга кирәк.  Технология дәресендә 6нчы класслар укытучылары Нуриев Ф.Ш. җитәкчелегендә сарымсак утырттылар

 1нче октябрь-Өлкәннәр көне уңаеннан район күләмендә оештырылган ярмикәдә Такталачык төп гомуми белем бирү мәктәбе теләп катнашты.  Районыбыз өлкәннәренә дару үләннәре, бакчада үстерелгән төрле яшелчәләр, туңдырылган, кайнатылган җиләк- җимешләр тәкъдим ителде. Кайнар коймаклар белән чәй эчеп алу мөмкинлеге дә бар иде. Кишер, чөгендер, сарымсак, орлык суганы, башлы суган,  кара торма, туңдырылган сырганак сатып алучылар күңеленә хуш килде 

В городе Елабуга на базе средней школы №10 прошел региональный семинар "Методические рекомендации по подготовке учащихся к ЕГЭ и ОГЭ" для педработников, реализующих программы по учебному предмету "Математика". Среди участников семинара были учителя и из Актанышского района. В работе семинара приняла участие учитель математики нашей школы Гильфанова А.М.

 Башлангыч класс укучыларына мәдәни көндәлекләр тапшырылды, ничек тутырырга икәнлеге аңлатылды. Укучылар көндәлекләр белән бик кызыксындылар. Балалар монда төрле  үзләре күргән, караган   мәдәни объектлар турында язып куячаклар, фотолар урнаштырачаклар. Бу аларның кызыксынучалыгын арттыруда күзаллавын  үстерүдә әһәмиятле  ярдәмлек булачак. 

 Такталачык төп гомуми белем бирү мәктәбе укучылары,  " Шәфкатьлелек " атналыгы кысаларында җәй көне җыйган дару үләннәрен сортларга аерып, капларга тутыралар. Шулай ук көзге җимешләрдән кызыл һәм кара миләш җыеп киптерү белән шөгыльләнәләр. Әрекмән тамыры, каен бөресе, үги ана яфрагы, меңъяфрак, юкә чәчәге кебек файдалы табигать бүләкләре тапшыруга әзер.

 "Татарстан Республикасы мәгариф оешмаларында балалар куркынычсызлыгы айлыгы" кысаларында Такталачык төп гомуми белем бирү мәктәбендә шулай ук балалар бакчасында Юл хәрәкәте дәүләт инспекциясе фән һәм мәгариф программаларын финанслау буенча Актаныш филиалы җитәкчесе Сәетова Рәсимә белән кызыклы һәм файдалы очрашу үткәрелде.  Буочрашуда бәлигъ булмаган балалар арасында хокук бозуларны кисәтү инспекторы Сәлимяова Регина Фарис кызы да катнашты.

   Белгәнебезчә, 2004 нче елның 1- 3 нче сентябрендәТөньяк Осетиянең кечкенә Беслан шәһәрендә террорчылар, мәктәпкә үтеп кереп,  бер гөнаһсыз сабыйларның  көтеп алган бәйрәмен тарихта онытылмаслык канлы вакыйгага әйләндерделәр.   Кызганычка каршы, дөньяның төрле почмакларында  террорчылык хәрәкәте әледән - әле баш калкыта. Шул уңайдан, һәр елны 3нче сентябрь- террорчылыкка каршы көрәш көне итеп билгеләп үтелә. Безнең мәктәптә бу көнне тәрбия эшләре буенча директор урынбасары Нуриева Ә.Г. тарафыннан линейка үткәрелде.

 Көтеп алынган Беренче сентябрь- Белем бәйрәме   җитте.  Көмеш кыңгырау чыңнары   балаларны кабат мәктәпкә җыйды.  Шул уңайдан Такталачык төп гомуми белем бирү мәктәбендә бәйрәм тантанасы үткәрелде.   Белем көне- укучылар, укытучылар өчен генә түгел, ата-аналар өчен дә зур вакыйга, шуңа күрә алар бу көнне мәктәпкә ашыккан.  Тантанада шулай ук мәгариф ветераннары,  җирле үзидарә рәисе Мирзануров Р. М., участок хастаханәсе баш табибы Минхуҗин Л.С., күрше мәктәп директоры Хаҗиев А.С., район вәкиле Шәяхмәтова Г.Ф катнашты.

 Такталачык төп гомуми белем бирү мәктәбе бакчасында,  яшелчә һәм җиләк җимешләр үстерү белән беррәттән, укучыларның танып белүен үстерү максатыннан, тәҗрибә рәвешендә 12 төрле авыл хуҗалыгы үсемлекләре чәчелде. Кузаклылардан: фасоль, борчак, вика;  техник культуралардан: көнбагыш һәм рапс, бөртеклеләрдән: арпа, бодай, солы, тары, катнаш азык культуралары, тамыразыклардан: мал чөгендере, кара торма бик матур булып үсеп киләләр.  Ял һәм хезмәт лагеренда бу үсемлекләрне тану буенча кызыклы бәйге оештырылды.

 Такталачык төп гомуми белем бирү мәктәбе каршында оештырылган ял һәм хезмәт лагаренда бу көннәрдә бакча җиләге җыю белән шөгыльләнәләр.