2021 ел буенча спорт конференциясендә безнекеләр көрәш, волейбол, хоккей спорты төрләрендә бүләкләнде. Афәрин!

4-10 апрельдә Россиядә төрле яшьтәге мәктәп укучылары өчен «ФинЗОЖ Фест» онлайн-фестивале узачак. Чара Россия Финанс министрлыгы һәм Россия Банкы тарафыннан балалар һәм яшьләр өчен Бөтенроссия финанс грамоталылыгы атнасы кысаларында оештырыла. Фестивальнең операторлары - Россия Финанс министрлыгының Фәнни-тикшеренү финанс институты (НИФИ) һәм РФ Финанслар министрлыгы порталы.

Бүген район мәдәният йортында, "Киләчәккә адым" фәнни-техник иҗат фестивалендә җиңүчеләрне бүләкләү тантанасы үткәрелде. Бәйрәм чарасында безнең укучыларыбыз һәм укытучылар да хөрмәтләнде.

В соответствии с письмом Управления Федеральной службы по надзору в сфере связи, информационных технологий и массовых телекоммуникаций по Республике Татарстан от 25.03.2022 № 5151-04/16, размещаем видеоматериалы Роскомнадзора, разработанные для несовершеннолетних по теме "Персональные данные".

30 нчы март көнне мәктәптә гомуми ата-аналар җыелышы узды. Кунакларны Spike Prime наборыннан укучылар программалаштырган робот каршы алып, исәнләшеп торды. Җыелышта Актаныш районы "Юл хәрәкәте иминлеге" профилактика җитәкчесе Фазлыева Лена Мөҗәят кызы "Юлларда имин йөрик!" исеме астында чыгыш ясады. Җирлек Башлыгы Анварова Дилбәр Миркасыйм кызының, участок полиция вәкиле Фазлыев Дамир Дилфас улының чыгышлары тыңланды. Авыл фельдшеры Әхметгалиева Рәзинә апа сәламәтлек хакында үз фикерләрен җиткерде.

Бүген "Мәктәптә оештырылучы тәрбия процессының үзенчәлекләре" исеме астында педагогик киңәшмә узды. Киңәшмәдә мәктәп директоры Илназ Илшат улының чыгышы, укыту-тәрбия эшләре буенча директор урынбасары Зөлфия Вил кызының "3 чирек нәтиҗәләре", тәрбия эшләре буенча директор урынбасары Айсылу Илдус кызының "Тәрбия - бик зур эш ул: аның ярдәмендә кеше язмышы хәл ителә" чыгышлары тыңланды.

29 март көнне, "Батыр" спорт комплексында, районыбыз мәктәпләрендә белем алучы укучыларның фәнни-техник иҗат күргәзмәсе оештырылды. Биредә безнең мәктәптән дә катнашучылар булды: "Кулланылыш приборлары" номинациясендә агачтан ясалган картиналар һәм сувенирлар белән Локманов Ильвир (хезмәт укытучысы Фатхулов Р.Н.), "Инструментлар, станоклар" номинациясендә Галеев Раяз (әтисе, мәктәпнең "Əтиләр Советы" рәисе Галеев Ф.Г.), "Робототехника" номинациясендә Муллахметов Əмир һәм Галеев Раяз (физика-информатика укытучысы Шәрипов И.И.) кул эшләре һәм проектлары белән катнаштылар.

28.03-05.04 мәктәптә язгы каникул. Бүген гомуми линейкада укучылар өчен барлык куркынычсызлык кагыйдәләре аңлатылды һәм исләренә төшерелде, укуның 3нче чирегенә нәтиҗә ясалды, барлык фәннәрдән дә билгеләр чыгарылды. Укуның 4нче чиреге 6 апрель көнне башланачак. Каникул вакытында укучылар ял итәләр, сәламәтлекләрен ныгыталар, кайбер укучыларның бәйгеләрдә катнашулары планлаштырыла. 9нчы сыйныф укучылары өчен мәктәптә һәм интернет аша имтиханнарга әзерләнү дә оештырылачак.

21еннэн 25нче мартка кадәр Казанда «Ел укытучысы» Бөтенроссия конкурсының республика этабы узды. Конкурс «Ел укытучысы», «Педагогик дебют», «ОБЖ укытучысы», «Татар теле һәм әдәбияты укытучысы», «Мәктәпкәчә белем бирү учреждениесе тәрбиячесе» номинацияләре буенча үтте. Укытучылар күрсәтмә дәресләр һәм сыйныф сәгатьләре үткәрделәр, методик семинарда катнаштылар, мастер-класслар оештырдылар, йомгаклау сынавы үттеләр – матбугат конференциясендә жюри әгъзаларының сорауларына җавап бирделәр. «Татар теле һәм әдәбияты укытучысы» номинациясендә Яңа Əлем мәктәбе укытучысы Сəлимҗанова Лилия Əхнəф кызы лауреат дип табылды.

25 март көнне мәктәптә полиция вәкиле Хуснуллин Зәлиф Зөлфәт улы 5-9 класс укучылары белән профилактик әңгәмә уздырды. Укучылар үзләрен кызыксындырган сорауларга җаваплар алдылар.