Бүген, ягъни 23 август көнне, Яңа Әлем мәктәбе базасында, район мәктәпләрендә физика фәнен укытучыларның август конференциясе кысаларында секция утырышы үткәрелде. Секциядә, мәктәбебезнең физика укытучысы Илназ Илшат улы "Физика дәресендә укучыларның функциональ грамоталылыгын формалаштыру" темасына чыгыш ясады һәм "Үсеш ноктасы" проекты кысаларында мәктәпкә кайтарылган цифрлы датчикларны демонстрацияләп күрсәтте.

Бүген, 16 август көнне Казан шәһәрендә "Татарстан Республикасында милли мәгарифне үстерү" республикакүләм форумы бара. Әлеге чарада районыбыздан гомуми белем бирү оешмалары җитәкчеләре Хаева В.Н., Салахов Р.Җ., Шарипов И.И., татар теле һәм әдәбияты укытучыларының район методик берләшмәсе җитәкчесе Хафизова Т.М., татар теле һәм әдәбияты укытучысы Шарипова Ч.Р., 6 нчы санлы балалар бакчасының өлкән тәрбиячесе Әюпова А.А. катнаша.

Бүген Актаныш муниципаль районы Башкарма комитеты җитәкчесе Ленар Зарипов җитәкчелегендә махсус комиссия һәм "Актаныш-информ" журналистлары иртүк Хәсән Заманов исемендәге Кадет мәктәп-интернаты, Яңа Әлем мәктәбендә булдылар. Комиссия үз эшен көн дәвамында башкарачак. Белем учакларында тулы көченә, яңа 2022-2023 уку елына әзерлек эшләре бара.

Мәктәпләр, киң адымнар белән якынлашып килгән яңа уку елына әзерләнә. Кайсы гына белем бирү йортына керсәң дә, буяу исе, "яңарыш исе" таралган. Берәүләр үзгәртеп кора, икенчеләр булганны сипли. Ә Актанышның 1 нче һәм 2 нче санлы, Яңа Әлем, Богады, Сәфәр, Такталачык мәктәпләрендә дәүләт программасы нигезендә ашханәләр тулысынча үзгәртеп корыла. Бүген әлеге эшләрнең барышы белән район Башкарма комитет җитәкчесе Ленар Зарипов та танышты. Кайда тизләтәсе, кайсы мәктәптә үзгәрешләр кертәсен искәртеп үз фикерләрен җиткерде ул һәм 15 август көненә барлык төзелеш эшләрен тәмамларга дигән бурыч куйды.

Яңа Әлем авылында 12 июльдән мәчет каршында дини лагерь эшли башлады. Әлеге балалар аланы Рушания Исхакова җитәкчелегедә эшли. 13.00 сәгатькә кадәр балалар ислам дине нигезләрен өйрәнәләр, хәрәкәтле уеннар уйныйлар, кул эшләре белән шөгыльләнәләр, түгәрәк өстәл артында бергәләп хәләл ризыклар белән сыйланалар. Лагерь 10 көн дәвам итәр дип көтелә.

Бүген чыгарылыш сыйныф укучылары мәктәпне тәмамлап өлгергәнлек аттестатлары алдылар. Алдагы тормыш баскычыгызда каршылыкларсыз, якты юллар сезгә, кадерле балалар!

Президент подписал Указ об объявлении 2023 года Годом педагога и наставника. Как отмечается, решение принято «в целях признания особого статуса педагогических работников, в том числе осуществляющих наставническую деятельность».

Бүген чыгарылыш сыйныф укучылары өчен соңгы кыңгырау чыңлады. Шатлыклы да, сагышлы да бу бәйрәмдә 9 нчы сыйныф укучылары белем алган мәктәпләренә рәхмәт хисләрен җиткерделәр. Алда аларны дәүләт имтиханнары көтә. Уңышлар юлдаш булсын! 

Татарстан Республикасы территориясендә яшәүче халыкларның телләрен, гореф-гадәтләрен, мәдәниятләрен саклап калуга һәм үстерүгә юнәлдерелгән проектларны тормышка ашыру максатыннан муниципаль белем бирү оешмалары арасында республика конкурсы уздырылды. Бәйге нәтиҗәләре буенча безнең мәктәбебез дә республиканың 100 җиңүче мәктәбе исемлегенә керде.

Актаныш гуманитар гимназиясендә 23 май көнне (Г.Афзал туган көн) Гамил Афзал исемендәге "Яшь каләмчеләр" Республикакүләм иҗат фестивале узды. Проза жанрында Авзалова Таңсылу, поэзия жанрында Нуриманова Адилә катнашты. Җитәкчеләре Шакирова Айсылу Илдус кызы.