Гимназиябездә, 8 класслар җитәкчелегендә, гадәти булмаган уен-викторина булды. Балалар белән яраткан әкиятләрне искә төшердек, яраткан әкият геройлары белән очраштык. Уен ахырында иң тапкыр командалар грамоталар белән бүләкләнде. Тәрбиячеләре Хаҗиева Миләүшә Рәдис кызы,Рафикова Резеда Шамил кызы.

Гимназиябездә дәүләт имтиханнарына әзерлек кысаларында районның математика укытучылары белән методик семинар-уку үтте. Казан милли тикшеренү технология университетының югары математика кафедрасы доценты, техник фәннәр кандидаты Рөстәм Фахраддин улы Ахвердиев имтиханның аерым биремнәрен чишү алымнарына өйрәтте.

5А сыйныфы укучылары класс җитәкчесе Рузилә Ильдар кызы Гарипова белән Актаныш туган як музеенда экскурсиядә.

Астрономия фәненнән олимпиаданың муниципаль этабында 9 сыйныф укучысы Тимиров Ислам призер исеменә лаек булды. Афәрин! Котлыйбыз!

Гимназиябездә "Ялкын" балалар оешмасы президенты сайлаулары бара.

Гимназиябезнең юл хәрәкәтенең яшь инспекторлары 2А сыйныфы укучылары белән "20 ноябрь - юл һәлакәте корбаннарын искә алу көне"нә багышланган акция үткәрде. Укучылар ике командада ярышты. Ярыш барышында алар табышмакларга җавап тапты, светофор ясады, юл билгеләрен төзеде. Флешмоб һәм бергәләп кино карау да аларга бик ошады.

Әтиләребез Булат Шәйхразыев, Фәрит Лотфуллиннан агач эшкәртү буенча мастер-класс үткәрде. 

6 сыйныф укучылары тәрбияче Исламова Зөлфия Зәет кызы белән иң тәмле кыстыбый пешерде. Интернатта яшәүче укучылар да кыстыбый белән сыйланды.

10 сыйныф укучылары район судында экскурсиядә булдылар.

Балаларның гимназиябездә туклануын дөрес оештыру мөһим мәсьәләләрнең берсе. Укучыларның туклануын ата-аналар контроле күзәтчелектә тота. Бүген башлангыч өлешендә укучыларга әзерләнгән төшке ашны 1А сыйныфында укучы Саматның әнисе Эльвира Хәмидуллина тәмләп карады. Гимназиядә әлеге юнәлештә ата-аналарның дежур тору графигы эшләнгән. Тикшерү вакытында ата-аналар тарафыннан барлык санитар-эпидемиологик нормалар да үтәлә.