5 нче класс җитәкчесе Л.Р.Хәбирова наркомания буенча класс сәгате уздырды.

     Әниләр көненә багышлап, район буенча “Тормышның бөтен төсләре сиңа” дигән балалар иҗаты конкурсына  1 нче класстан Наил Әхмәтхуҗинның – рәсеме,  “Үз кулларым белән әниемә бүләк” номинациясендә 4 нче класстан  Энҗе Вәлиеваның кул эше җибәрелде. Аларга җиңүләр теләп калабыз.

     Мәктәбебезнең  8 нче класс укучысы М.А.Фазлыева ГТО нормаларын тапшыруда уңышка ирешеп, Бронза медальгә лаек булды. Аның киләчәктә тагын да югарырак нәтиҗәләргә ирешүен телибез.

    7 нче класс укучысының әнисе улының дәресен тыңларга килде. Фән укытучысына рәхмәтен әйтте.

     17 нче ноябрь көнне Татар Суыксу урта мәктәбендә уздырылган семинарда мәктәбебезнең тәрбия эшләре буенча урынбасары Ч.Р.Шәвәлиева катнашты. Яңалыклар белән педколлективны таныштырды.

    Бөтенрәсәй инглиз теленнән уздырылучы олимпиаданың район этабында мәктәбебезнең  8 нче класс укучысы Д.Р.Акбулатова катнаша. Аңа җиңү юлдаш булсын иде! 

     Мәктәбебездә “Әниләр көне”нә хәзерлек уңаеннан әниләргә багышланган иҗади бәйге игълан ителде. Призлы урын алучы укучыларга “Мактау кәгазьләре” тапшырылачак. Һәркемгә уңышлар телибез.

     14 ноябрь көнне IV;  VI һәм VIII сыйныф укучылары инглиз теленнән диагностик тест эшләделәр. Татарстан Республикасы Фән һәм Мәгариф министрлыгы тарафыннан оештырылган әлеге тест, инглиз теле фәненнән укучыларның белем дәрәҗәсен билгеләячәк.

    9 нчы ноябрь көнне ата-аналар җыелышы уздырылды. Башлангыч класслар укытучысы Ч.Р.Шәвәлиева “Бала тәрбияләүдә әти-әни роле” темасына методик темада чыгыш ясады. Мәктәп директоры Г.Р.Әхметова мәгариф өлкәсендәге үзгәрешләр һәм туклану торышы белән таныштырды. Укыту-тәрбия эшләре буенча директор урынбасары Г.М.Сәетова I чирек нәтиҗәләре һәм алда торган бурычларны әйтеп узды.

     Сөйләшү классларда дәвам итте.

   Каникул көннәрендә дә олимпиадаларга әзерлек дәвам итте. Мәктәп турында җиңгән укучыларның  район этабында да уңышка ирешүләрен телибез.