“Без бергә” Республика балалар иҗат фестиваленең “Туган ягыбыз киңлекләре” фотоконкурсында катнашып, мәктәбебезнең V класс укучысы Айзилә Айдар кызы Хәбирова I урын алды. Аны җиңүе белән котлыйбыз, киләчәктә дә уңышлар телибез.

  “Без бергә” Республика балалар иҗат фестиваленең “Россия сувенирлары” декоратив-кулланма эшләнмәләр конкурсында катнашып, мәктәбебезнең     IV класс укучысы – Энҗе Инзир кызы Вәлиева, V класс укучысы Айзилә Айдар кызы Хәбирова II урын алдылар. Аларны җиңүләре белән котлыйбыз, киләчәктә дә уңышлар телибез.

    “Без бергә” Республика балалар иҗат фестиваленең район этабында нәфис сүз сөйләү бәйгесендә укучыларыбыз: Раил Фәнияр улы Басыйров (6 нчы класс), Имиль Разим улы Яхин уңышлы чыгыш ясадылар. И.Яхин  сертификатка ия булды. Уңышлары белән котлыйбыз. Укытучылары: Раушания Сәйфулла кызы Галимҗанова.

       Мәктәбебездә “Балалар һәм яшүсмерләр китабы” атналыгы  үткәрелде. “Китап алсаң кулыңа, нур сибелер юлыңа” дигән чара ярыш формасында уздырылды. Укучылар, 3 төркемгә бүленеп, әдәби әсәрләрне белү юнәлешендә төрле биремнәр үтәделәр. Иллюстрацияләр ясауда, китапка багышланган иҗади эшләргә, әсәрләрдән өзек сәхнәләштерүгә  аерым урын чыгарылды. Гомуми ярышта “Татар яшьләре”  командасы (5-7 нче класс) җиңеп чыкты. Башлангыч класс укучылары табышмаклар белүдә үзләренең зирәклекләрен сынадылар. Атналыкны уздырган укытучы-китапханәчебез Әлфия Рафаил кызы Исрафиловага рәхмәтебезне белдерәбез.

    Бүген 15 нче март  көнне 9 нчы класс укучылары татар теленнән бердәм  дәүләт имтиханын тапшырып карадылар.

   15 март көнне, Киров мәктәбе базасында директорларның тәрбия эшләре буенча урынбасарларының ведомствоара киңәшмәсе үтте. Анда мәктәпнең тәрбия эшләре буенча директор урынбасары Чулпан Рифгат кызы Шәвәлиева  катнашты.

    14 март көнне Югары Яхшый мәктәбе базасында директорларның укыту-тәрбия эшләре буенча урынбасарларының  киңәшмәсе үтте. Анда мәктәпнең укыту-тәрбия эшләре буенча директор урынбасары Гөлсинә Мөдәрис кызы Сәетова  катнашты.

     Богады мәктәбендә башлангыч класс укытучыларының “ФДББ стандартларын тормышка ашыру шартларында кече яшьтәге мәктәп балаларында уку компетентлыгын формалаштыру” темасына  төбәкара семинар булды. Бу семинарда безнең мәктәптән Дилүсә Мәхиян кызы Гаязова катнашты.

     Бүген Иске Айман мәктәбендә мәктәп китапханәчеләренең район киңәшмәсе булып узды. Киңәшмәдә мәктәпнең укытучы-китапханәчесе Әлфия Рафаил кызы Исрафилова катнашты.

    Ученица 6 класса Манихова Адиля Мударисовна  стала Призёром на районной этапе Всероссийского конкурса "Живая классика". Руководитель Галимзянова Раушания Сайфулловна.