Бүген мәктәбебездә “Күңелле стартлар” уздырылды. Егетләр һәм кызлардан катнаш - 2; әниләр белән укытучылар һәм кызлар командалары үзара җитезлекләрен сынадылар.  “Бөркетләр” һәм кызлар командалары җиңеп чыктылар.  Ярыш җырлар белән үрелеп барды. Укытучыбыз Марат Флүс улы Гыйльметдиновка һәм катнашкан һәркемгә рәхмәтебезне белдерәбез.

     Барлык гүзәл затларны Язның беренче бәйрәме белән тәбрик итәбез! Сезнен тормышыгыз яхшылык һәм яктылык, мәхәббәт, якыннарыгызның күңел җылысы һәм игътибарын тоеп, йөзләрегез елмаюдан яктырып, нурлар чәчеп торса иде!

    Класс җитәкчесе Ә.Р.Исрафилова 6 нчы, 7 нче, 8 нче класс укучыларының әниләре һәм кызлар катнашында “Күңел кояшыбыз Сез, кадерле әниләр, кызлар!” дигән темада бәйрәм кичәсе уздырды. Кичә төрле биремнәргә җаваплар эзләү, җырлар башкару һәм егетләрнең котлавы белән үрелеп барды. 

     27 нче февраль көнне Сарман районында уздырылган республикакүләм Аяз Гыйләҗев укуларының “Безнең як Бибинуры” иҗади эшләр бәйгесендә катнашып, мәктәбебезнең VIII класс укучылары: С.С.Шакиров – призёр, Д.Р.Акбулатова лауреат Дипломнары белән бүләкләнделәр. Аларны җиңүләре белән котлыйбыз! Укытучылары: Ә.Р.Исрафилова.

      "Мәгариф идарәсе" планы нигезендә һәм укучыларның интеллектуаль потенциалын үстерү максатыннан 27 февраль көнне Пучы урта мәктәбендә "Физик огонёк" уенында безнең мәктәптән  8 нче класс укучылары: Диана Акбулатова, Фирзәр Гәрәев, Сирин Имамов составындагы команда катнашып, уңышлы чыгыш ясадылар.

        Барлык әтиләрне, егетләрне, абыйларны һәм энеләребезне Ватанны саклаучылар көне белән котлыйбыз! Сәламәтлек, бәхетле озын гомер телибез.

       Инглиз телендә иҗат ителгән сочинениеләр язу район бәйгесендә II урын алучы мәктәбебезнең 8 нче класс укучысы  Диана Роберт кызы Акбулатованы котлыйбыз. Алдагы бәйгеләрдә дә җиңүләр телибез. Укытучысы: Лилия Фәнил кызы Гайсина.

      Инглиз телендә иҗат ителгән сочинениеләр язу район бәйгесендә III урын алучы мәктәбебезнең 9 нчы класс укучысы  Шәфкәт Шамил улы Булатовны котлыйбыз. Алдагы бәйгеләрдә дә җиңүләр телибез. Укытучысы: Халидә Сәхипгәрәй кызы Мәрдәнова.

     Бүген балалар бакчасы һәм мәктәп коллективы, Ватанны саклаучылар көненә багышлап, Чалманарат мәдәният йортында концерт куйдылар. Тамашачыларның һәр номерны алкышлавы, бәйрәмне тагын да җанландырды. Әзерләгән укытучыларга, тәрбиячегә һәм катнашкан балаларга рәхмәт белдерәбез, киләчәктә дә уңышлар телибез.