30 нчы январь көнне 6 нчы, 7 нче, 8 нче класс укучыларының ата-аналар җыелышы уздырылды. Класс җитәкчесе Ә.Р.Исрафилова "Күчеш чорында яшүсмерләр белән аралашу үзенчәлеге" темасына методик темада чыгыш ясады. "Сез балагызны аңлыйсызмы?" дигән анкетага җавап бирделәр, ситуатив мәсьәләләр буенча фикер алышу уздырдылар. 

             Район күләмендә 2-4 класс укучылары арасында уздырылган “Алтын каләм” матур язу  конкурсында 3 нче клсс укучысы Н.Ш.Булатов катнаша. Аның уңышка ирешүен телибез.

Такталачык мәктәбендә 9 нчы класс укучылары математикадан имтихан биреп карыйлар. Нәтиҗәләре яхшы булсын иде.

      Ф.З.Әхмәдишин призына уздырылган чаңгы ярышында мәктәбебез командасы уңышлы чыгыш ясады. Ф.Д.Гәрәев, М.А.Фазлыева (8 класс); Р.Р.Гайсин, Д.Р.Насертдиновларга (7 класс) киләчәктә җиңү телибез.  

      Пучы урта мәктәбендә уздырылган "Ел сыйныф җитәкчесе"  конкурсының район этабында 5 нче класс җитәкчесе Л.Р.Хәбирова уңышлы чыгыш ясады. Киләчәктә җиңүгә ирешүен телибез.

   Бүген "Ак каен" балалар бакчасында тәрбияләнүче нәниләребезнең бер төркеме китапханә белән танышырга килделәр. Тәрбияче Рәйханә апалары белән таныган хәрефләрне дә ярыша-ярыша укыдылар. Аларны мәктәбебездә тагын көтеп калабыз.

     Бүген гимназия-интернат базасында уздырылган район мәктәпләренең  директорлары һәм укыту-тәрбия эшләре буенча директор урынбасарлары  киңәшмәсендә директор Г.Р.Әхметова һәм урынбасар Г.М.Сәетова катнашты. 

   19 нчы гыйнвар көнне 9 класс укучылары Актаныш технология техникумында "Ачык ишекләр" көнендә катнашып, уку йорты белән танышып кайттылар.