Татар теле һәм әдәбияты укытучысы Ә.Р.Исрафилова Халыкара туган тел көне уңаеннан башлангыч класс укучылары белән мавыктыргыч кичә-викторина уздырды. Укучылар төрле эчтәлектәге биремнәр үтәделәр, кроссвордлар чиштеләр, үз фикерләре белдереп, мәкальләр һәм табышмакларның эчтәлекләрен ачтылар. Камалетдинов Самат (IIIкласс) – I; Зарипов Раил  (IVкласс)  - II; Кашапова Наилә (IIIкласс) - II;   Вәлиева Энҗе (IVкласс) - III; Булатов Нәфкать (IIIкласс)    III урын алдылар һәм “Мактау кәгазе” белән бүләкләнделәр.

    20 нче февраль көнне 2 нче санлы Актаныш урта мәктәбендә рус теленнән «Кто грамоте горазд, тому не пропасть» бәйгесендә мәктәбебезнең 5 нче һәм 6 нчы класс укучылары: А.Хәбирова, Р.Басыйров катнаштылар. Аларга уңышлар телибез. 

    Бүген район үзәгендә уздырылган җитәкчеләр спартакиадасында 45яшьтән өлкәнрәк булган хатын-кыз җитәкчеләр арасында “Җиңүче” исеменә мәктәбебез директоры - Гөлнара Әхмәтова Рафаэль кызы лаек булды.  Хөрмәтле җитәкчебезне призлы урын алуы белән котлыйбыз, аңарга һәрвакыт уңышлар юлдаш булсын иде.  

    Бүген Актаныш гимназиясендә "Без яшь, без сәләтле" исемендә республика интеллектуаль олимпиадасы үтә. Анда безнең мәктәпнең 4-6нчы класслардан 2 шәр укучы катнаша. Аларга уңышлар телибез.

      Безнең дүрт егетебез Гәрәев Фирзәр, Басыйров Фидан, Имамов Сирин, Шакиров Сәйдәш ГТО фестивалендә 2 көн дәвамында нормативларын тапшырып кайттылар. Фестивальдә пневмомылтыктан ату, турникта тартылу, гәүдә күтәрү, урыннан ераклыкка сикерү, басып торган килеш бөгелү, йөзү һәм чаңгыда шуу  кебек төрләрдән үзләренең көчләрен сынап карадылар.  

      16 нчы февраль көнне 2 нче санлы Актаныш урта мәктәбендә география укытучыларының районкүләм "Мастер-класс" бәйгесе уздырылды. Укытучыбыз А.Т.Рәхимова уңышлы чыгыш ясап, III урын алды. Аны җиңүе белән котлыйбыз. Киләчәктә дә уңышлар юлдаш булсын иде. 

       10 нчы февраль көнне Казан шәһәрендә уздырылган күренекле мәгърифәтче, галим Ибраһим Хәлфин исемендәге XIII республикакүләм фәнни-эзләнү укучылар конференциясе уздырылды. А.Гыйләҗев иҗатына  багышланган бәйгедә мәктәбебезнең VIII класс укучылары: Миләүшә Алмаз кызы Фазлыева – I, Сәйдәш Сәлим улы Шакиров – II урын алдылар. Җитәкче укытучылары: Әлфия Рафаил кызы Исрафилова. Республикакүләм бәйгедә җиңүләре белән котлыйбыз!

        10 нчы февраль көнне Казан шәһәрендә уздырылган күренекле мәгърифәтче, галим Ибраһим Хәлфин исемендәге XIII республикакүләм фәнни-эзләнү укучылар конференциясе уздырылды. А.Гыйләҗев иҗатына  багышланган класстан тыш чаралар эшкәртмәсе бәйгесендә мәктәбебезнең рус теле һәм әдәбияты укытучысы – Раушания Сәйфулла кызы  Галимҗанова II урынга ия булды. Аны республикакүләм бәйгедә җиңүе белән котлыйбыз!

    Бүген "Иң шәп әйдаман 2018" конкурсының район туры уза. Конкурста катнашучы Акбулатова Дианага уңышлар телибез!