Бүген, 13 нчы октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес гаилә кыйммәтләрен аңлау, гаиләгә җәмгыятьнең нигезе итеп карау, бер-береңне хөрмәт итү, буыннарның уртак һәм аермалы яклары, килеп туган каршылыкларны чишү турында иде һәм «Төрле буыннарга бер-берсен ничек аңларга?» дип аталды.

13 октябрь көнне "Юл хәрәкәте иминлеге" учреждениесе профилактика бүлегенең әйдәп баручы белгече Мозаффарова Зөлфия Вагизовна “Юл, әйдә дус булык!” республика фестивалендә 1 урын алган укучыларны котлады, кыйммәтле бүләкләр тапшырды. Чарада 3б сыйныфы укучылары Әхмәтҗанов Кәрим, Данилова София, Мөбәрәкҗанова Сәидә, Хуҗин Замир катнаштылар.
Укучыларны котлыйбыз, уңышлар телибез!

10 октябрь көнне 6а сыйныфында "Активное долголетие" темасына түгәрәк әстәл оештырылды. Укучылар сәламәтлек төшенчәсе, өлкән яшьтә дә сәламәт яшәү рәвеше алып бару турында фикер алыштылар.

7 октябрь көнне гимназиябез егетләре Казан шәһәре Вахитов районы мәктәпләре арасында узган мини-футбол ярышының финал уенында катнашып 1 урынга лаек булдылар.
Егетләрне чын күңелдән котлыйбыз!
Алдагы уеннарда уңышлар телибез!

8 октябрь көнне өлкәннәр декадасы кысаларында 5а сыйныфында "Гаиләбез ядкаре" дип исемләнгән сыйныф сәгате узды.
Чарага сыйныф җитәкчесе һәм укучылар гаиләләрендә саклана торган истәлекле әйберләрне алып килделәр, аларның тарихы һәм килеп чыгышы белән таныштырдылар.

8 октябрь көнне 3б сыйныфы укучылары "Юл, әйдә дус булыйк" яшь инспекторлар республика фестиваленең муниципаль этабында катнаштылар.
Бәйгедә катнашу өчен укучылар "Бергәләп юл иминлеге өчен көрәшик" программасын әзерләделәр һәм видеоязма төшерделәр.

Өлкәннәр ункөнлеге кысаларында 5б сыйныфында "Хәтернең изге бурычы" исемле сыйныф сәгате узды. Укучылар әби-бабаларыбызның батырлыкларын истә тоту, ветераннарыбызга кадер-хөрмәт күрсәтү турында фикер алыштылар. Чарадан соң укучылар анкета тутырдылар.

Өлкәннәр декадасы кысаларында укучылар котлау открыткасы ясау буенча мастер-класста катнаштылар.Укытучы бәйрәм тарихы һәм аның традицияләре турында сөйләде.  Балалар бергәләп эшләделәр: алар үз эшләренә иң кадерле кешеләргә җылылык һәм мәхәббәт өлешләрен салдылар. Карточкалар ачык һәм төсле булып чыкты.

Дәрес барышында балалар үзләренең фантазияләрен күрсәттеләр һәм төрле котлау открыткалары ясадылар.

Бүген, 6 нчы октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес укытучы һөнәренең әһәмияте, кеше тормышындагы роле, һөнәргә карата хөрмәт хисләре турында иде, «Нәрсә ул хөрмәт?» дип аталды.

6 нчы октябрь көнне,  тимер юл транспортында куркынычсызлык кульурасын булдыру максатыннан, Тимер юл вокзалына экскурсия оештырылды. Квест уены барышында укучылар үз белемнәрен тикшерделәр. Тимер юлга барып җитү өчен укучылар төрле биремнәр башкардылар. Укучылар үзләрен машинист, тимер юл хезмәткәре ролендә сынап карадылар.