20 октябрь көнне 5в сыйныфы укучылары "Синема 5" кинотеатрында "(НЕ) искусственный интеллект" фильмын карадылар. Укучыларга фильм бик ошады.

18 октябрь көнне “Россия ислам институты” Бөтенроссия “Россия патриотлары” бәйгесенә йомгак ясады. Ул Бөек Җиңүнең 80 еллыгына багышланган иде. Чарада 9 сыйныф укучылары Билалова Даяна һәм Минһаҗева Дәлия катнашып, “Дан юллары” номинациясендә җиңү яуладылар.

Укучы кызларыбызны һәм аларның җитәкчеләрен чын күңелдән котлыйбыз!

16 октябрь көнне 4б сыйныфы укучылары Казан (Идел буе) федераль университетының А.П. Энгельгард исемендәге астрономик обсерваториясендә интерактив экскурсиядә булдылар.
Укучылар кызыклы экспонатлар, экспозицияләр, астрономия турында фильм карадылар.
Кызыклы сәфәр укучыларга бик ошады.

17 нчы октябрь көнне “Көз сылуы - Сөмбелә” шәһәр бәйгесенең район этабы узды. Гимназиябез данын 5 нче сыйныф укучысы  Сәгдиева Чулпан яклады. 

Катнашучылар “Бөтен җирне нурга күмә кояш кебек Сөмбелә”, “Без талантлар эзлибез”, “Алтын куллар”, “Костюм көз сылуы Сөмбелә” бәйгеләрендә көч сынаштылар. Нәтиҗәләр соңрак билгеле булачак.

17 октябрь көнне 3-4 сыйныф укучылары арасында район шахмат турнирының мәктәп этабы узды.

Нәтиҗәләр түбәндәгечә билгеләнде:

1 урын - Валькаева Гульназ -3а; Хуҗин Булат -4б;

2 место - Шәмсиева Анастасия -3а; Вәлиев Наил- 3а;

3 урын - Иванов Максим - 3а; Төхвәтуллина Айзилә - 3б.

Җиңүчеләргә мактау грамоталары һәм бүләкләр тапшырылды.

16 октябрь көнне, укучыларга һөнәр сайларга ярдәм итү максатыннан, "Казан" халыкара ат спорты комплексында "Белем. Карьера" күргәзмәсе узды.
Чарада гимназиябезнең 9а һәм 10а сыйныфы укучылары катнашты.

Әтиләр көне бөтен ил буенча октябрьнең өченче якшәмбесендә билгеләп үтелә. Бу көнне без иң кадерле кешеләребез – әтиләребезне чын күңелдән котлыйбыз.

Бәйрәм чагыштырмача яңа булуга карамастан, бездә бу көн белән бәйле кызыклы традицияләр барлыкка килде дә инде. Елда әтиләргә котлау открыткалары ясыйбыз, төрле акцияләрдә катнашабыз, рәхмәт сүзләрен җиткерәбез. Шул удайдан гимназиябездә “Әтием куллары” исемле күргәзмә оештырылды. Чарада катнашучылар әтиләре ясаган кул  эшләрен тәкъдим иттеләр.

Әтиләр көненә багышланган чаралар дәвам итә.

Укучылар әтиләре белән күмәк эш башкару процессын видеога төшерделәр һәм тәрбия эшләре буенча директор киңәшчесе Заляева Г.А. тәкъдим иттеләр. Барлык видеолар гимназия укучыларына мәгълүмати экран аша күрсәтелде. Укучыларга үзләрен һәм әтиләрен экраннан күрү аеруча ошады.

Барлык катнашучыларга рәхмәт белдерәбез!

14 октябрь көнне Вахитов районының Балалар иҗаты үзәгендә Алдынгылар Советы рәисләре киңәшмәсе узды. Чарада яңа уку елында узачак чаралар, планнар, сайлаулар турында фикер алыштылар.

Бүген, 13 нчы октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес гаилә кыйммәтләрен аңлау, гаиләгә җәмгыятьнең нигезе итеп карау, бер-береңне хөрмәт итү, буыннарның уртак һәм аермалы яклары, килеп туган каршылыкларны чишү турында иде һәм «Төрле буыннарга бер-берсен ничек аңларга?» дип аталды.