Районыбыз мәдәният йортларында иҗат-отчёт концертлары дәвам итә. Бу күркәм эштә мәктәпләр дә читтә калмый. Бүген безнең мәктәбебез укучылары, укытучылары иҗат отчеты концерты составында Югары Шытсу мәдәният йортына чыгыш ясарга баралар.

3 март көнне Казан шәһәренең №6 гимназиясе базасында Мәгариф һәм Фән Министрлыгы һәм Казан шәһәренең мәгариф бүлеге тарафыннан уздырылган “Глобализация- реальность современного мира” дигән V нче республика фәнни- практик конференциясендә Юлбат урта мәктәбеннән инглиз теле укытучысы Мәҗитова Р. Г. җитәкчелегендә 8 сыйныф укучысы Хәмитова Әдилә ( инглиз теле секциясендә, сертификат ), 5 сыйныф укучысы Мәҗитов Рәйхан ( тарих һәм җәмгыять белеме секциясендә, сертификат ), Сатыш урта мәктәбенең 10 нчы сыйныф укучысы Габдрахманова Чулпан ( татар теле һәм әдәбияты секциясендә, диплом) уңышлы чыгыш ясадылар. Шушы ук конференциядә мәктәпнең тарих укытучысы Сафин И.Ф. укытучылар номинациясендә чыгыш ясап, III дәрәҗә дипломга лаек булды. Конференциядә катнашучылар Татарсан Дәүләт музееның Бөек Ватан сугышы мемориалы директоры, хәрби-тарихи фәннәр Академиясенең член-корреспонденты Михаил Валерьевич Черепанов белән.

Гражданлык  һәм  патриотик  тәрбия  бирү дәвамлы  эш ул. Айлык  тәмамланса да сыйныфларда  Бөек Ватан  сугышы темасына  карата тәрбия  дәресләре узу дәвам итә.  Бүген  8 нче  сыйныфларда

 “Булмасын ул, булмасын,

Кирәкми безгә  сугыш!

Булмасын бер куркыныч

Булсын бөтен ил тыныч” исемендә тәрбия дәресе узды.

26 нчы февраль көнне мәктәп яны шугалагында "Вымпел" һәм "Тимершык" командалары арасында очрашу булды. Нәтиҗә “Вымпел” командасының җиңүе белән тәмамланды.

Бүген, 26 нчы февраль, Кәримова  Гүзәл һәм Хафизов Хәдис өстәл  теннисы буенча район күләмендә үткәрелгән ярышта катнашалар. Аларга уңышлар телибез!

25 нче февраль  көнне М.Фәйзиев истәлегенә багышланган татарча көрәш буенча бәйге булды. Бу көрәштә безнең мәктәбебездән 6 укучы: Фәтхриев Илдус, Багавиев Ирек, Фәтхриев Ирек, Гайфуллин Айдар, Халиков Мөнир, Мубаракшин Айнурлар   катнашты. Алар уңышлы гына чыгыш ясадылар.

Кичә 23 нче февраль көнне район мәдәният йортында "Сихри моңнар" дип исемләнгән концерт булды. Әлеге концертта безнең мәктәбебездән Галәвиев Рамазан (5 класс), Кәримова Гүзәл (6 класс), Шакирҗанова Ләйлә (7 класс), Габдрахманов Зөлфәт (7 класс) катнашты. Укучылар уңышлы чыгыш ясадылар. Аларга мактау грамотасы һәм истәлекле бүләкләр тапшырылды.

  Хөрмәтле ир - ат укытучыларыбыз, укучы егетләребез!  Сезне 23 нче февраль - Ватанны саклаучылар көне белән котлыйбыз! Сезгә озын гомер, нык сәламәтлек, шатлык, бәхет, укуыгызда һәм эшегездә зур уңышлар телибез.

22 нче февраль көнне 8 нче сыйныфларда "Беркем дә, берни дә онытылмый!"-дигән темага ачык класс сәгате үткәрелде.