5 ноябрь көнне районга Татарстан Президенты Миннеханов Р.Н. һәм президент аппараты җитәкчеләре килде. Алар районда республика "Бәләкәч" программасы кысаларында төзелгән балалар бакчасын ачу тантанасында катнаштылар. Аннары районның мәдәният йортында район активы белән очрашу булды. Очрашуда безнең мәктәптән директор  Хәнәфиева А.Ш., математика укытучысы Шакирҗанова Ф.Г. лар катнашты. Очрашуда Татарстан фән һәм мәгариф министры Гыйльметдинов А.Х. та катнашты.

Буген, 2 нче ноябрь, районыбызның иң булдыклы сыйныф житэкчелэрен РЦДТга "Ел сыйныф житәкчесе - 2011" бәйгесенэ жыйдылар. Безнең мәктәп данын математика һәм технология укытучысы Кәримова Равия Рафгалиевна яклап бик матур, оригиналь чыгыш ясады.  Укытучыбыз куп-кырлы талант иясе: шагыйрә дә, яхшы хужабикэ дэ, спорт сөюче дэ. Равия Рафгалиевна үз эшенең чын остасы булуын тагын бер раслады һэм лауреат исеменә лаек булды. Укытучыбызны чын кунелдән котлыйбыз, аңа исәнлек-саулык, гаилә тынычлыгы телибез.

28-31 нче октябрь көннәрендә безнең мәктәптән  Фәләхова Фәридә һәм Кәримова Гүзәл Биектау районының «Костёр» лагерында, Республика лидерлар укуының «9 нчы Адым» («9 ШАГ») сменасында булдылар. Лидер укуында өйрәнгәннәре остаз буларак эшчәнлекләрендә зур ярдәм булачак.

Һәр предметтан мәктәп олимпиадалары үткәрелеп, нәтиҗәләр ясалды. Район олимпиадасына баручылар билгеләнеп, алар белән әзерлек эшләре бара.

31 нче октябрь  көнне 3 нче, 4 нче сыйныф укучылары белән  сәламәт яшәү рәвешен пропагандалап, начар гадәтләр булдырмау максатыннан “Без – сәламәтлек дуслары” дигән класс сәгате үткәрелде. Чара укучыларның актив катнашуы белән үтте.

Мәктәп күләмендә 26 октябрь көнне янгын куркынычсызлыгы кагыйдәләрен өйрәнү максатында эвакуация үткәрелде. Мәктәп эчендәге укучылар, укытучылар, хезмәткәрләр оешкан рәвештә тиз арада бинадан куркынычсыз урынга чыктылар.Вәкил булып районның Гражданнар оборонасы начальнигы урынбасары Әхмәтшин Азат Фоат улы килде.Ул мәктәпнең бу юнәлеш буенча әзерлегенә уңай бәя бирде һәм үзенең киңәшләрен әйтте.

Өлкән сыйныф укучылары катнашында узган чара "Тукай һәм Көз" дип аталды. Г.Тукайның шигырьләрен сәхнәләштерү, көзге мода, сорау-җавап турлары концерт номерлары белән бергә үрелеп барды. Нәтиҗәдә сайланган жюри составы үз фикерен белдерде. Бәйрәм күңелле узды. 

Безнең  мәктәбебездә 20 октябрь  көнне башлангыч һәм урта сыйныфлар арсында “Уңыш бәйрәме” үткәрелде.  I-IV  сыйныфлар арасында бәйрәм  “Көзге әкият үзенең дусларын кунакка чакыра” дигән программа буенча узды. 

V-VII сыйныфлар арасында “Мисс – Көзге бал” бәйгесе үткәрелде. Программа кысаларында укучылар үзең белән таныштыру (шигъри яки музыкаль формада), өстәл яклау (шигырь яки җыр формасында), музыкаль номерлар арасында көч сынаштылар.Һәр сыйныф сыйныф җитәкчеләре белән берлектә бәйрәмгә ныклап әзерләнгән.Укучыларның чыгышлары бер-берсен кабатламый торган,үзенчәлекле итеп оештырылган иде. Бәйрәм концерт номерлары белән үрелеп барды. Һәр укучы күргәзмә өчен җиләк-җимешләрдән, яшелчәләрдән  төрле композицияләр ясап алып килде.Табыннар тәм-томнардан сыгылып торды.Бәйрәм соңында укучылар бию залында бик күңелле ял иттеләр, бәйрәмнән алган тәэсирләр белән уртаклаштылар.

Мәктәптә “Уңыш бәйрәме” нә әзерлек эше бара. 2 нче сыйныф укучысы Хузин Альмир әлеге бәйрәмдә  технология дәресләрендә эшләгән апплекация,  көзге чәчәкләрдән ясаган эшләнмәләрен күргәзмә итеп куярга уйлый. Аның көзге яфраклардан ясалган “Серле сандыгына” күпләр сокланып  карарлар.

       Унынчы октябрь көнне  Юлбат авылының  борынгы  зираты  (чирмеш  зираты) урыны фотога төшерелеп музейга куелды. Зират урынын,  Ихсан бабай әйтеп калдырган буенча, Гыйззетдинов Нуретдин абый (1935 елда туган) күрсәтте. Урыны Кабиров Васил Сәетовичлар янындагы тау өстендә борылышта.