26 апрель - Габдулла Тукай туган көн. Шул уңайдан Юлбат урта мәктәбе мәдәният йортына җыйналды. ,,Тукай яши безнең йөрәкләрдә" дип аталган әдәби-музыкаль  кичә күтәренке  рухта узды. Һәр сыйныф  шигырь, җыр, сәхнә әсәрләре белән чыгыш ясады. Кичәдән һәрберебез бәйрәм рухы  белән канәгать  булып таралыштык.

21 апрель көнне башлангыч сыйныфларда “Без – Тукай оныклары! ”дип аталган әдәби музыкаль кичә булды.Бәйрәмне “Драма”,”Вокал ”түгәрәге җитәкчеләре Фатхриева Р.Х һәм Галимҗанова Л. Г һәм I сыйныф укытучысы Фатхриева Р.Х лар кызыклы һәм мавыктыргыч итеп оештырдылар.Татар теле һәм әдәбияты укытучысы Галимуллина Г. Д кичәгә югары бәя бирде.

19 апрель көнне КФУ тарафыннан рус теле фәненнән  интернет- тест оештырылды. Монда безнең  мәктәптән  6 нчы сыйныф  укучылары катнашты.

18 апрельдән мәктәбебездә география атналыгы башланып китте.Атналыкта кызыклы викторина сораулары эленеп куелды. Туган як табигатенең гүзәл мизгелләре дигән фотокүргәзмә  оештырылды. 21 апрельдә 7 сыйныфларда географик кичә,  22 апрельдә 6 сыйныфларда викторина үткәреләчәк.  

15 апрель көнне Юлбат урта гомуми белем бирү мәктәбендә "Информацион технологияләр куллану аша белем дәрәҗәсен күтәрү” темасы буенча район биология - химия укытучылары семинары узды.

     Семинарның беренче көн тәртибе буенча Хаҗиева Альфира Рифкать кызы 11 нче сыйныфта "Химия һәм әйләнә тирәлек” темасына ачык дәрес үткәрде. Икенче көн тәртибе буенча мәктәпнең педагог оештыручысы Габделхаева Гөлсинә Раян кызы белән берлектә әзерләнгән "Урманның көйле тормышы” дигән музыкаль экологик кичә күрсәтелде.

Мәктәбебездә Сафин  Илдар Фатхуллович  җитәкчелегендә  тарих атналыгы  башланып китте.

12 апрель  көнне Россиядә игълан  ителгән  Космонавтика көне  уңаеннан Каримова Р.Р. тарафыннан  ачык  класс  сәгате үткәрелде. Космонавтика тарихы, Ю.А.Гагаринның  тормыш  юлы  өйрәнелде. Чара презентацияләр  белән  үрелеп барылды. Викторина  сорауларына җаваплар  бирелде.  Соңыннан  тест  эшләнелде.

Бүген мәктәбебезнең бер төркем укучылары "Президент ярышларында" булып кайттылар.  Безнең команда  2014 елда "Сочида узачак кышкы олимпия уеннары"нда темасына үзләренең матур  чыгышларын тәкъдим иттеләр.

Бүген, 5 апрель көнне мәктәбебезнең  педагог – оештыручы Гөлсинә Раяновнаның  иң  бәхетле көне. Бүгенге көндә ул  төрмыш  иптәшенең нык терәге, балаларының кадерле әнисе, якыннарының  хөрмәтле туганы, хезмәттәшләренең үрнәк  өлгесе.

Мәктәбебездә узган ,,Тормышның иң  ямьле  чагы”  исемле кичәнең лаеклы кунагы ул бүген. Бу көнгә шушындый матур  булып килеп  җиткәнсең  икән, алдагы тормышыгызда тагын да матурырак, бәхетлерәк гомер юлы  үтүегезне, янәшәгездә һәрчак  якыннырыгыз булуын телибез.

Тормышның иң ямьле чагы,

50 яшь – ул бик аз әле!

Алда әле – күпме  шатлык!

Күпме бәхет, наз әле!

Котлы булсын  бәйрәмегез,

Тыныч  булсын күңелегез,

Шатлык – сөенечләр белән

Тулы булсын гомерегез.

1  апрель  көнне  Арчаның укучылар  сараенда  “Тукайга  ияреп ... үзеңчә” дигән республикакүләм иҗади конкурста  җиңгән  укучыларны  бүләкләү тантанасы  булып үтте. Безнең  мәктәптән  6 нчы сыйныф  укучысы Кәримова  Гүзәл  2 номинациядә уңышлы  чыгыш  ясады.  “Мәсәл – басня “Спор о важном”” номинациясендә I  урынга   (җитәкчесе:  Халикова Мәрзия Гатаулловна – рус  теле  һәм   әдәбияты  укытучысы), “Пародия- “Имтихан  көн””  номинациясендә  III  урынга  (җитәкчесе – Галимуллина  Дания  Гайфетдиновна- татар  теле  һәм  әдәбияты  укытучысы)  лаек  булды.  9 нчы сыйныф  укучысы Халиков  Мөнир   “Афоризмнар”  номинациясендә  III  урынга  (җитәкчесе – Галимуллина  Дания  Гайфетдиновна- татар  теле  һәм  әдәбияты  укытучысы) лаек  булды. Аларга  “Габдулла   Тукайның  125  еллыгы  уңаеннан  “Сабантуй”  газетасы  һәм  Арча  укучылар сарае  үткәргән  иҗади конкурста җиңгән  өчен  диплом  һәм  истәлекле   бүләкләр  тапшырылды. Укучыларыбызны  һәм  җитәкче  укытучыларыбызны  уңышлары  белән  чын    күңелдән  котлыйбыз! Алга  таба  да  иҗади  уңышлар  телибез!