Бүген чыгарылыш  сыйныф укучыларыбыз өчен, соңгы кыңгырау чыңлады.

                        Мәктәп еллары!

                        Нинди гүзәл көннәр!

                        Тупланганнар аңа барысы да:

                        Укучының кайгы-шатлыклары,

                        Шау-гөр килеп узган кичәләр,

                        Яшьләрнең шат, шаян җырлары,

                        Яшь  кызларның керсез хыяллары,

                        Җырлап үткән мәктәп еллары.

                        Синдә кала, барысы синдә кала

                        Гүзәл уку, мәктәп еллары.

    Бүген мәктәбебездә  иң тантаналы, иң истәлекле һәм ямансу көннәрнең берсе. Соңгы кыңгырау, урта мәктәпне тәмамлагач, олы дөньяга  юлланган зур  тормышыбызның, гаҗәп матур да, тынгысыз да, соклангыч һәм шул ук вакытта авыр да булачагын искәртеп тора кебек. Бу чыңнарда укучыларның укытучылары, белем алган мәктәпләре белән хушлашу авазы да  ишетелә сыман.

     Кадерле  укучыларыбыз! Без Сезне олы бәйрәмегез белән ихлас котлыйбыз! Имтиханнарыгызны  уңышлы тапшырып, уйлаган  хыялларыгызның тормышка ашуын телибез.

14-15 май көннәрендә 6 нчы сыйныф укучысы Кәримова Гүзәл, бөек шахматчы Гата Камский белән  очрашуда булды. Очрашу уңай тәэсирләр калдырды.

Бүген мәктәбебезнең бер төркем укучылары Замир  Вагыйзович  җитәкчелегендә җәйге спартакиадада катнашалар. Аларга уңышлар телибез.

Быел  Бөек Җиңүгә  66 ел. Ул иң  мөкатдәс  бәйрәм, уртак хатирә, тиңсез  рухи хәзинә булып тора. Мәктәбебез дә бу бәйрәмнән  читтә калмый. Төрле тәрбияви чаралар, бәйрәм – кичәләр узуын  дәвам итә.

            Мәктәбебез, кеше иңнәре күтәрә алмаслык, зур михнәтләр кичереп, соңгы  көчләрен биреп, азатлыгыбызны, бәйсезлегебезне           һәм тормыш  яме өчен аяусыз көрәшкән батырларыбызга ихтирам йөзеннән 9 май көнне митингта катнашты.

Хөрмәтле коллегалар! Сезне Бөек Җиңүнең 66 еллыгы белән  чын күңелдән тәбрик итәбез. Еллар имин, күкләр аяз булсын дигән изге теләктә  калабыз!

Мәктәбебездә экологик айлык дәвам итә. Табигатебезнең матурлыгы, чисталыгы, сафлыгы өчен  без дә җаваплы. Шул уңайдан мәктәбебезнең әйләнә - тирәсен ямьле итү өчен өмәләр дәвам итә. Бүген 7 май - мәктәбебездә өмә.

15 апрель - 15 май көннәрендә мәктәбебездә экологик иминлек саклау айлыгы башланды.Айлыкка карата план төзелде.План нигезендә  "Экология - тормыш таләбе", "Туган табигатемне саклыйм", "Табигать һәм хезмәт", "Җир хартиясы эшчәнлеге принциплары" темаларына атналыклар дәвам итә.Бүген 8 сыйныфларда "Табигать һәм хезмәт" темасына сыйныф җитәкчесе Каримова  Р.Р. тәрбия дәресе уздырды.Дәрес барышында туган җиребезгә, аның табигатенә, байлыкларына хөрмәт, ихтирам тәрбияләнде.

"Балаларны саклау көне" уңаеннан ут сүндергечләр  белән  эшләү принцибын өйрәнү.

Көннәр аяз, күктә алсу

Нур сибеп кояш көлә.

Җиргә тама көмеш тамчы-

Сагынып көткән яз килә.

Көннәр җылы, күктә алсу

Нур сибеп кояш көлә,-

Җәйге шатлык, көзге бәхет

Яз белән бергә килә.

27 апрель көнне бер төркем укучыларыбыз: Рахимуллина Ч., Зайнуллина Л.,Идрисова А.,  Сайфуллин М., Фатхриев Р., Каримова Р., Фатхриев И., Ганиев Р., Валиева С., Төхбәтуллин Ф.     Сабада Баскет-шоу  зона ярышларында катнашып II урынны  яулап  кайттылар.