20 май  көнне  Кукмара муниципаль районы Х.Вагапов исемендәге  урта  гомумбелем бирү мәктәбендә районыбызның 10 укучысы  Раниф Шарипов исемендәге Беренче республикакүләм Ачык шигырь  һәм поэмалар конкурсының икенче турында катнашып кайтты.   Юлбат урта мәктәбеннән Хәлилов Илнар- II   ( укытучысы Фәләхова Ф.Г.), Галявиев Рамазан, Фатхриев Ринат,  Фәләхова Фәридә (Юлбат) актив катнашкан өчен свидетельстволарга ия булдылар.

Шушы көннәрдә мәктәбебездән Фәләхова Фәридә Татар халкы һәм Татарстан тарихы буенча укучыларның VI Республика күләм конкурсының II йомгаклау турында катнашып кайтты. Беренче өлештә ул үзенең фәнни эшен яклады, икенче өлештә БДИ форматында тест эшләде. Аерым секцияләрдә эшләү нәтиҗәләре буенча II урынга лаек булды. Гомуми нәтиҗәләр буенча Фән һәм мәгариф министрлыгының, Шиһабетдин Мәрҗәни исемендәге тарих институтының махсус дипломы белән бүләкләнде.

17 май Байлар Сабасына "Наркотикларга каршы десант" килде. Наркотиклар әйләнешен контрольдә тоту Федераль хезмәтенең ТР буенча идарәсе хезмәткәрләре район халкы өчен спорт һәм сәламәт яшәү рәвешенә багышланган бәйрәм оештырылды.

   Саба районы хәкимиятендә наркотиклар әйләнешен контрольдә тоту Федераль хезмәтенең ТР  буенча идарәсе җитәкчесе Фаяз Шабаев һәм Саба районы башлыгы Рәис Миннеханов җитәкчелегендә наркотикларга каршы коммисия утырышы узды. Анда райондагы оператив вәзгыять һәм халыкны наркотиклардан кисәтүгә бәйле планнар каралды. Барлык теоритик дәресләрдән соң Байлар Сабасының үзәк мәйданында велосипедчылар ярышы узды.

    15 нче май көнне "Куркынычсыз тәгәрмәч" район бәйгесе үткәрелде. Безнең Юлбат урта мәктәбеннән 3 укучы бу бәйгедә катнашып үзләренең көчләрен һәм осталыкларын сынадылар. Мондый бәйгеләр укучыларга юл йөрү кагыйдәләрен өйрәнү буенча үз белемнәрен, осталыкларын арттыруда нык ярдәм итә.

   Безнең максат: укучыларның җәйге ялларын хәвеф-хәтәрсез үткәрүләрен тәэмин итү.

16 нчы май көнне район күләмендә Пионериянең туган көненә багышланган слет үтте. Ул быел да, табигать кочагында –Язлы Арташ авылы янындагы урман аланлыгында оештырылды.Тантанада мщктщбебездщн Педагог-оештыручы Гөлсинә Раяновна һәм активистлар: Гайфуллина Гөлинә, Рахимуллина Чулпан, Мубаракшин Нәфкать, Галләмова Алсу, Рахимов Илзат катнашты.  Слет Мичән урта мәктәбе укучыларының чыгышы белән башланып китте. Тантана “Барабаны играют сбор” конкурсының пионер җырлары белән үрелеп барды, бәйге ахырында аларга нәтиҗәләр ясалды, бүләкләр тапшырылды. 

Бүген, 17 май көнне мәктәбебездә электр куркынычсызлыгы кагыйдәләрен өйрәтү максатыннан, Саба районы электр челтәреннән хезмәткәрләр башлангыч сыйныф укучылары алдында “Электр белән сак эш итик” темасына чара үткәрделәр.Бу чара барышында укучыларның белемнәре барланды, һәм гомумиләштерелде. Балалар табышмакларга җаваплар таптылар , сорауларга да бик теләп җавап бирделәр. Практик эшләр барышында  актив булдылар.Чара азагында һәрбер укучыга бүләкләр дә тапшырылды. Бу тәрбияви чара , балаларның җәйге яллары алдыннан аеруча урынлы һәм кирәкле булды.

   Татарстан Республикасы фән һәм мәгариф Министрлыгы приказы нигезендә 2013 елның 15 мае Татарстанның барлык гомумбелем бирү учреждениеләрендә  “Универсиада көне” итеп  үткәрелә.

  Бу уңайдан безнең мәктәптә дә 4 нче дәрес дәвамында Универсиада Дәресе үткәрелде. Барлык укучылар һәм укытучылар бердәм рәвештә мәктәп ишек алдына җыелды. Спорт- сәламәтләндерү чаралары ачык һавада башланып китте. Мәктәпнең физик тәрбия укытучысы Фәләхов З.Ф. Казанда уздырылачак җәйге универсиада турында сөйләде, аннары кросс уздырылды. Соңыннан  уеннар “Күңелле стартлар” рәвешендә спортзалда дәвам итте.

ә 2013-2014 нче уку елына ата – аналар өчен дәреслекләр турында стенд  булдырылды. Стендта Татарстан Республикасы Мәгариф  һәм фән министрлыгының   “кайнар линия”  телефоны, мәктәпләрне китаплар белән тәэмин итү положениесы һәм мәктәпнең 2013-2014 нче уку елына дәреслекләр белән тәэмин ителү буенча мәгълүмат күрсәтелде.

Авылыбыз мәдәният йортында  8 май көнне Юлбат урта гомумбелем бирү мәктәбе коллективының иҗат-отчет концерты  булды. "Яратырга килдек без бу җиргә" дип исемләнгән концерт программасы Җиңүнең 68 еллыгына карата нәфис сүз, җырлар, биюләрне үз эченә алды. Чын профессиональ дәрәҗәдә оештырылган концерт авыл халкы тарафыннан яратып кабул ителде.

  Әлеге чарада катнашкан укучыларыбызга, укытучыларыбызга, аеруча Фәрит Габделмәҗитовичка, Гөлия Шамилевнага зур рәхмәтебезне җиткерәбез.

Хөрмәтле ветеранар!

Сезне чын күңелебездән 9 май- Бөек Җиңү көне белән котлыйбыз.

Ветераннарыбызга, тыл батырларына, сугыш чорының газаплы михнәтләрен үз җилкәләрендә күтәргәннәргә Аллаһы Тәгаләдән бары тик саулык, җан тынычлыгы һәм картлык көннәрендә кадер-хөрмәт телибез.

Алсу кояш чыгып таңнар ата,
Күкләр аяз, тыныч илебез.
Сугыш кырларында ятып калган,
Бабаларга башны иябез.

Юлбат мәктәбе коллективы һәм укучылары.