4 январь көнне башлангыч класс укучылары бассейнга йөзәргә бардылар. Рәхәтләнеп җәйләрне искә төшереп су коендылар.

Энҗе карлар сафлык сипкән кебек,
Якты булсын бәйрәм көннәре!
Бәхет бураннары алып килсен
Яңа елның карлы җилләре.

Бәйрәмнәр быел 30нчы декабрьдә 2 сменада оештырылды.  1-6 класслар өчен  “Исәнме, Яңа Ел!” исеме астында уздырылды. Сценарийның эчтәлеге буенча барлык җәнлекләр дә, пиратлар мушкетерлар Кыш бабайны эзли. Алар Шекше мәктәбенең 2 укучысына тап булып, алардан Кыш бабайның бәйрәмгә киләсен беләләр. Барысыда шунда китәләр. Бәйрәмдә алдынгы укучыларның ата-аналарына мәктәп диркциясе Рәхмәт хатлары тапшырды, олимпиадада җиңүче укучылар бүләкләнде. Әти-әниләр, кунаклар катнашты.

7-11 классларның бәйрәме “Чыршы утлары янында”  аталды. Төп кунаклар   “Яңа әбиләр” иде. Алар  бәйрәмне уеннар, җыр – биюләр белән алып бардылар. Бәйрәмгә ямь өстәп укытучылар да катнашты

Хөрмәтле Шекше урта мәктәбе коллективы!

Сезне Яңа 2013 ел белән чын күңелебездән тәбрик итәбез. Яңа ел Сезгә бары шатлык һәм сөенечләр генә алып килсен.

Яңа елның һәрбер көне

Бәхетләр алып килсен.

Һәр ишектән шатлык тулы

Яңа ел җыры керсен.

Озын гомер бирсен ходай ,

Кояш бирсен һәрчак яктылык.

Һәр укыткан балагыз да Сезгә,

Китерсеннәр бары яхшылык.

Быелгы Яңа ел күчтәнәчләрен өләшүне шундый үзенчәлекле һәм истә калдыра торган итеп үткәрүегез өчен барлык гаиләбез исеменнән Сезгә чиксез рәхмәтебезне белдерәбез. Безнең балаларыбызны зурлаганыгыз өчен Ходай үзегезне зурласын. Аларның сөенүен күреп үзебез дә балачакка кайтып килдек. Күңелдә матур хисләр калды. Киләчәктә дә шулай дус, тату, бердәм, иҗади булыгыз! Уңышлар Сезгә!!!

Иң изге теләкләр белән Гумеровлар гаиләсе.
 

27 декабрь көнне 9 нчы класста "ГИА га әзерләнү" дигән тема астында ата-аналар җыелы үтте. Җыелышта предмет укытучылары мәктәптә үткәрелгән пробное тестирование нәтиҗәләре белән таныштырдылар.

Кыш җитте, кар ява

Урманга, кырларга

Киенеп чыктык без

Без сыннар ясарга.