15 нче февраль Муса Җәлил туган көне уңаеннан 9 класста ( кл. җитәкчесе Габдулхакова М.Р.)"Муса Җәлил - патриотик шагыйрь" дигән тема астында тәрбия сәгате үтте

15 нче февраль - Совет гаскәрләрен  Афганистаннан чыгарган көн. Бу көнне мәктәптә, Афганистанда һәлак булган солдатларыбызны искә алып, төрле чаралар үткәрелде. 9 нчы класста "Боль моя - Афганистан" темасына класс сәгате уздырылды.

15 нче февраль  - патриот шагыйребез М. Җәлилнең туган көне. Мәктәптә башлангыч класслар арасында " Ачык микрофон" шигырь бәйрәме үткәрелде. Анда укучылар Җәлилнең шигырен сөйләделәр. Иң оста башкаручы исемен 3 нче класс укучысы Фаваризова Ралинә алды.

Бүген мәктәптә "Гашыйклар көне" бәйрәме үткәрелде. Ул "Таныш булыйк!" проектына нигезләнеп оештырылды. Шоу-тамашаны мәктәп думасы активы әзерләде. Проектта Фазылова Флүзә,  Яруллина Ильмира, Габдулхакова Айгөл һәм кунак егет Рамил катнашты. Астролог ролендә -Зайнагиева Зәлинә, "Танышулар бюросы" вәкилләре -  Сабирова Әдилә, Ваесова Гөлдания булды. Ә кичәне Махмутова Гөлшат белән  Хаертдинова Гүзәл алып барды. Музыкаль бизәлешне   Маметова Регина, ә презентацияләрне әзерләү һәм күрсәтүне башкарды Рамазанова Гөлсирин. Кичә бик күңелле үтте.

Мәктәптә армия хезмәтеннән кайткан егетләр белән  очрашулар оештыру инде традициягә әйләнгән.  Бу очрашуның кунаклары  -Хисамов Флюр, Сайфетдинов Рамил, Рахматуллин Айдар  булды. Алар солдат тормышы турында мәгълүмат бирделәр. Укучыларның сораулары да күп иде. Очрашуны ОБЖ укытучысы   Гатиятов Р.Р. оештырды.  

Февраль ае -патриотик тәрбия айлыгы. 13 нче февраль көнне сугыш ветераны Шәрипов Нәҗип абый белән очрашу оештырылды. Ул укучыларга үзенең тормыш юлы, сугышта күрсәткән батыолыклары турында сөйләде. Укучыларның сорауларына җавап бирде.

"Сәламәтлегеңне кайгыртсаң гына авыртулар әйләнеп узар," диләр. Шул максаттан ФАП фельдшеры Гөлфинә Галимова 2-5 класс укучылары белән сәламәтлек турында әңгәмә оештырды. Ул укучыларны шәхсм гигиена таләпләре белән таныштырды, сәламәтлекне саклау буенча киңәшләр бирде.