21 февраль көнне мәктәптә Туган тел көненә багышланган чаралар үткәрелде. "Мәкаль әйтәм - дәвам ит" уены, "Туган телдә шигырем" конкурсында микрафонга теләгән шигыреңне сөйләү, " Туган телебез-татар теле"(5-6кл.), "Туган телебез: бүген һәм иртәгә"(диспут, 10-11 кл.)дигән темага класс сәгатьләре булып узды. "Әллүки" әдәби газетасы чыгарылды.

18 февраль көнне район мәдәният йортында үткән "Ел укытучысы 2013" бәйгесенең бүләкләү тантанасы булды. Безнең мәктәптән өстәмә белем бирү буенча катнашкан "Оста куллар" түгәрәге җитәкчесе Гарипова А.Р. да бүләккә лаек булды.

Сугыш  ветераны Нәҗип абый мәктәп музеенда да  булды. Ул музейга үзенең фоторәсемнәрен бүләк итте.

15 нче февраль Муса Җәлил туган көне уңаеннан 9 класста ( кл. җитәкчесе Габдулхакова М.Р.)"Муса Җәлил - патриотик шагыйрь" дигән тема астында тәрбия сәгате үтте

15 нче февраль - Совет гаскәрләрен  Афганистаннан чыгарган көн. Бу көнне мәктәптә, Афганистанда һәлак булган солдатларыбызны искә алып, төрле чаралар үткәрелде. 9 нчы класста "Боль моя - Афганистан" темасына класс сәгате уздырылды.

15 нче февраль  - патриот шагыйребез М. Җәлилнең туган көне. Мәктәптә башлангыч класслар арасында " Ачык микрофон" шигырь бәйрәме үткәрелде. Анда укучылар Җәлилнең шигырен сөйләделәр. Иң оста башкаручы исемен 3 нче класс укучысы Фаваризова Ралинә алды.

Бүген мәктәптә "Гашыйклар көне" бәйрәме үткәрелде. Ул "Таныш булыйк!" проектына нигезләнеп оештырылды. Шоу-тамашаны мәктәп думасы активы әзерләде. Проектта Фазылова Флүзә,  Яруллина Ильмира, Габдулхакова Айгөл һәм кунак егет Рамил катнашты. Астролог ролендә -Зайнагиева Зәлинә, "Танышулар бюросы" вәкилләре -  Сабирова Әдилә, Ваесова Гөлдания булды. Ә кичәне Махмутова Гөлшат белән  Хаертдинова Гүзәл алып барды. Музыкаль бизәлешне   Маметова Регина, ә презентацияләрне әзерләү һәм күрсәтүне башкарды Рамазанова Гөлсирин. Кичә бик күңелле үтте.