Бүген 17 март көнне мәктәптә "Аҗаган-2013" уенының зона ярышы үтте. Ярышта 4 мәктәп катнашты.

I урынны Кызыл Мишә төп мәктәбе

II урынны шекше урта мәктәбе

III урынны Тимершык мәктәпләре яулады. Иштуган мәктәбе командасы актив катнашучы буларак билгеләнде. Катнашучыларга грамоталар тапшырылды.

16 апрель көнне мәктәбебездә якташ шагыйрә Ильмира Гыймаева белән очрашу-кичә булды. Кичәдә шагыйрә үзенең шигырьләрен укыды, яраткан җырларын башкарды. Укучылар үзләрен кызыксындырган сорауларына җаваплар алдылар.

15 апрель Г.Тукайның үлеменә 100 ел тулу уңаеннан мәктәбебездә шагыйрьне искә алу сәгате үткәрелде. Татар теле һәм әдәбияты укытучысы Зәйнәгыева З.Ф. Тукайның соңгы көннәре һәм музейда сакланып калган дүрт шәхси әйбере турында сөйләде. Бүгенге көнгә багышлап республикада узучы чаралар планы белән таныштырды.

 Яр Чаллы шәһәрендә узган "TALENTS" IV Республика фестиваль конкурсының II турына узган  Хайртдинова Г., Махмутова Г. дуэты, 13 апрель көнне инглиз телендә "Alliluya" җырын башкарып, дипломга лаек булдылар. Аларның җырларын тагын да матуррак итү максатыннан биючеләр Гомәров И., Халиуллина Н.(9кл), Зәйнәгыева З., Галимов Д.лар(8 кл.) күп көч куйдылар. (җит. Фаваризова Р.Т.) Укучыларга алдагы конкурсларда да уңышлар телибез.

8 апрельдән 13 апрельгә кадәр мәктәбебездә рус теле атналыгы булып үтте. Атна буе  күп төрле конкурслар үткәрелде. Укучылар "Самый грамотный ученик", викторина по русскому языку, конкурс рисунков по литературным произведениям, конкурс стихов на русском языке, конкурс чтецов "Живая классика" һ.б. төрле конкурсларда  катнаштылар.  Атналыкка мәктәп линейкасында рус теле һәм әдәбияты укытучысы Габделхакова М.Р. грамоталар тапшыру белән йомгак ясады.

12 апрель - Бөтендөнья авиация һәм космонавтика көне уңаеннан мәктәп китапханәсендә 3, 5 класс укучылары белән кызыклы әңгәмә үтте.