8 нче ноябрь көнне Кильдебәк урта мәктәбе базасында мәгариф хезмәткәрләре арасында бадминтон ярышы булып үтте . Мәктәбебезнең укыту - тәрбия эшләре буенча директор урынбасары Гарифуллина Г.Р  район мәктәпләренең хатын-кыз директорлары арасында 3 урынны яулады. Котлыйбыз!!!

"Яшь дизайнер" түгәрәгенә йөрүче укучылар Гарипова А.Р. җитәкчелегендә ата-аналар җыелышына мәктәп фойесында витраж ысулы белән ясалган  кул эшләреннән күргәзмә оештырдылар. Ата-аналар балаларының эшләрен кызыксынып карадылар.

"Ата-ананың бала белән аралашуы-тәрбиядә уңышка ирешүнең алшарты" темасына 7 ноябрь көнне мәктәптә ата-аналар җыелышы булып үтте. Җыелышта директор урынбасарларының чыгышлары тыңланды. Ата-аналар комитеты сайланды. 

5 ноябрь көнне "Укытуның актуаль методлары" темасына педсовет үтте. I чирек йомгаклары буенча класс җитәкчеләре тыңланды. Укыту эшләре буенча директор урынбасары Гарифуллина Г.Р. программа үтәлешенә һәм электрон журнал тутырылышына анализ ясады.  Тәрбия эшләре буенча анализ ясап, директор урынбасары Гимадиева А.И. чыгыш ясады.

2 ноябрь көнне мәктәбебездә  " 4 ноябрь - Бердәмлек көне"нә багышланган брейн -ринг үткәрелде. Укучылар сорауларга бик теләп җавап бирделәр.

 1 ноябрь көнне Балалар иҗат үзәгендә Район балалар думасының чираттагы утырышы булып узды. Утырышта көн тәртибе буенча ЮХИДИ инспекторы, полиция капитаны Насибуллин Ильнур Дамир улы юлларда укучы балалар белән булган юл халәкәтләре турында сөйләде.  Шулай ук Балалар иҗат үзәге директоры Фидан Миннехатович, Балалар хәрәкәтен үстерү буенча бүлек мөдире Эльвира Раисовна чыгышлары,Район балалар думасы спикеры Валеева Алинәнең отчёт-чыгышы, җәйге ялларын Кырымда һәм "Кояшкай” лагерының төрле юнәлешендәге сменаларында ял итүче  активистларыбызның тәэсирлБре, СДО да катнашучыларның чыгышлары тыңланылды. Безнең мәктәптән Габделхакова Айгөл инглиз сменасы турында чыгыш ясады һәм ул үзенең чыгышын Зиннатова Әдилә башкаруында инглиз телендәге җыры белән тәмамлады.  Ә иң мавыктыргыч мизгел дума активистларының иптәшләре өчен "Я достигну успеха” дип исемләнгән тренинг үткәрүләре булды. Активистлар барысыда теләктәшлек күрсәтеп, төркемнәргә бүленеп, актив катнаштылар, фикер уртаклаштылар. Думабызның утырышы алдагылардан шуның белән аерылып торды, әлеге утырышыбызга тәҗрибә уртаклашырга Теләче районы педагог- оештыручылары да килгән иде. Утырыш дәвамында Теләче районы балалар хәрәкәте бүлеге мөдире Римма Рашитовна фикерләрен, рәхмәт сүзләрен белдерде. 
Алдагы планнар белән фикер уртаклашып, алга максатлар куеп,карар кабул итеп рәсми утырышыбыз гадәттәгечә флеш- моб биюе белән тәмамланды.

9 декабрь - Ватан Геройлары көне уңаеннан мәктәбебездә   төрле чаралар ткәрү планлаштырыла. 2 сыйныф укучыларыбыз инде авыл музеенда "Безнең авыл геройлары" дигән темага дәрес-әңгәмә үткәрделәр. Чараны авыл  китапханәчесе Сафина Наилә апа алып барды.

Бүген мәктәбебезнең китапханәчесе Г.М.Махмутова һәм татар теле әдәбияты укытучысы, ТЭБДУ А.И. Гимадиевалар "Чын МИРАС" журналын тәкъдир итү кичә-очрашуында катнаштылар. Чарада журналның баш мөхәррире, танылган татар шагыйре, Г.Тукай премиясе лауреаты Илфак Мирза улы Ибраһимов, баш мөхәррир урынбасары, җаваплы сәркатип Рамил Ханнанов, тарих бүлеге мөхәррире Ленар Гобәйдуллиннар катнашты. Алар "Чын МИРАС" журналының эчтәлеге, темалары, максаты белән таныштырдылар. Татар телчеләрен, тарих укытучыларын журналга язылырга өндәделәр. Очрашу бик җанлы, күңелле үтте.

Конституциянең 20 еллыгы уңаеннан үткәрелгән конкурсның район этабында үзенең сочинениясе белән катнашып 1 урынны алган Мирзагалләмова Диләрәне(җитәкчесе Хабирҗанова Р,И,), "Помоги первокласснику безопасно прийти в школу" акция-конкурсының шулай ук район турында 3 урынны алган Габдулхакова Айгөл һәм Зиннатова Әдиләләрне (җитәкчеләре Гимадиева А.И., Габдулхакова Г.Р.) җиңүләре белән котлыйбыз. Аларга алга таба да зур җиңүләр,иҗат уңышлары телибез. 

Рус, совет авиаконструкторы, академик А.Н.Туполевның тууына 125 ел уңаеннан мәктәбебездә әлеге датага багышлан класс сәгатьләре, төрле чаралар үтте