Җыелган карлыганннан кыш көне мәктәп ашханәсендә укучыларга ашату өчен кайнатма әзерләнә.

 Мәктәп бакчасында карлыганнар өлгерде. Карлыган җыюда Фаваризова Р.Т. җитәкчелегендә 8 нче сыйныф укучысы Галимов Динар, Габидуллин Ришат, 7нчы сыйныф укучысы Ахметшина Зәлия, Ибрагимов Фаиль бик тырышып эшлиләр. 

Шекше урта мәктәбе укучысы Ахметшина Зәлия Биләрдә оештырылган "Сәләт - Саба" лагерында үткәрелгән шахмат команда ярышында катнашты. Саба командасы I урынга лаек булды. Аларны чын күңелебездән котлыйбыз, алга таба да уңышлар телибез!

"Сәләт-Саба" аланында  ял итүче Ахметшина Зәлиянең яллары күңелле үтүен телибез!

Укучыларга хезмәт тәрбиясе бирү,буш вакытларын файдалы итеп уздыру максатларыннан җәйге каникул чорында 14 яше тулган 21 укучы эшкә урнаштырылды. 2 укучы Сәрдә һәм  Шекше авылы клубларында, 2 укучы Шекше "Акчарлак", 1 укучы Сәрдә ясле-бакчасында, 4 укучы Шекше урта мәктәбендә, 12 укучы август аенда  ООО "Алтын-Саба" җәмгыятендә хезмәт куячак.

25 июнь көнне мәктәбебездә 9 һәм 11 класс укучыларына аттестатлар тапшыру тантанасы узды. Чыгарылыш класс укучыларына укытучылар, әти-әниләр изге теләкләрен ирештерделәр. Ә укучылар үз чиратларында аларга булган рәхмәт һәм ихтирам хисләрен шигъри юллар, матур җырлар аша җиткерделәр. 

Бүген лагерьның соңгы көнендә "Сабантуй" уеныннары оештырылды. Иң беренче милли уен көрәштә малайлар көч сынашты. Батыр Зәйниев Әмир булды. Баудан әйбер кисү, чүлмәк вату, балык тоту, кашык белән су ташу, кашык белән йомырка кабып йөгерү, капчык киеп йөгерү уеннарында һәрбер бала катнашып, бүләкләр алдылар. Лагерьны ябу тантанасында гитарага кушылып күмәк җырлар, биюләр башкардылар, шигырьләр сөйләделәр. 

Вакыт сизелми дә үтә, лагерьның соңгы көннәре якынлаша. Сау-сәламәт, шат күңелле балалар авазыннан лагерь шаулап тора. Бүгенге "Экология" көнендә алар авылыбызның "Саимә", "Дөләш" чишмәләрендә булып, "Чишмәләрне саклыйк!" акциясе кысаларында чишмәләрне чистарттылар. "Веселый поезд" уенында 4 командага бүленеп, станцияләр буенча хәрәкәт итеп, төрле юнәлештәге мәсьәләләр чиштеләр. "Тәмле сүзләр урамы" презентациясе аша җәмәгать урыннарында үз-үзеңне тоту кагыйдәләрен өйрәнделәр. Көн имин, файдалы һәм күңелле узды.

22 июнь - Бөек Ватан сугышы башланган көн. Шул уңайдан "Кыңгырау" мәктәп яны лагеренда ял итүче балалар  авылыбыз уртасындагы "Билгесез солдат" һәйкәленә бардылар. Анда Шекше авыл җирлеге башлыгы Хайртдинов Р.Р. чыгышын тыңладылар, сугыш каһаманнарына багышлап шигырьләр сөйләделәр. Соңыннан һәйкәлгә чәчәкләр һәм венок салынды.

Көн дәвамында ТИН укытучысы Гатиятов Р.Р. юл йөрү кагыйдәләрен искә төшереп, "Имин тәгәрмәч" чарасы, Шекше мәдәният йорты һәм авыл китапханәсе хезмәткәрләре  "Мин Татарстанлы" викторинасы үткәрделәр.