Айлык план нигезендә мәктәбебезнең "Яшь Гвардия" членнары физкультура укытучысы  Ахметов А.Х. белән бергә бадминтон ярышы үткәрделәр. Уен кызганнан - кыза барды. Җиңүне бадминтон түгәрәгенә йөрүче укучылар яулады. Молодцы, түгәрәккә йөрүче укучылар.

Атналык план нигезендә математика укытучысы  Гөлүсә Фанисовна 7-8нче класслар арасында "Бәхетле очрак" уены үткәрде. Уен барышында укучылар кызыклы сораулырга җаваплар эзләделәр, логик фикерләүне үстерүгә мәсьәләләр чиштеләр. Җиңүне 8нче сыйныф укучылары яулады. Уен файдалы һәм кызыклы үтте.

15нче апрель көнне Чәбки-Саба авылында яшәүче Әминә әбигә 100 яшь тулды. Шушы истәлекле вакыйга уңаеннан, волонтерларыбыз Әлфия Наилевна белән Әминә әбидә кунакта булып кайттылар. Укучылар бүләк иткән ефәк шәлне Әминә әби бик ошатты. Олы юбилеегыз белән,Әминә әби!

Мәктәбебездә бу атна төгәл фәннәр атналыгы дип игълан ителде. Беренче көнендә математика фәненнән "Могҗизалар кыры " уены үткәрелде. Уенда укучылар бик актив катнашты. Суперуенда 8енче сыйныф укучысы Хәсәнова Руфинә җиңүче булды. Руфинәне җиңүе белән котлыйбыз.  

Апрель ае өмәләргә бай ай. Бүген барлык мәктәп укучылары өмәгә чыкты. Укучылар шау-гөр килеп  кар тараттылар. .Тиздән  кар эреп бетәр, табигать яшеллеккә күмелер.

В школе прошел всероссийский флэшмоб "Тотальный диктант". В нем приняли участие 70 человек: учителя-11, ученики-52, родители-7. 

12 апрель көнне Юлбат мәдәният йортында "Озын толым" бәйгесе булып үтте.Әлеге бәйгедә безнең мәктәбебездән 8 нче сыйныф укучылары Газизова Әлфинә  һәм Хасанова Руфинәләр катнашты. Кызларыбыз аш- су әзерләүгә уңганлыкларын, җыр -биюгә булган осталыкларын күрсәттеләр.  Кызларыбызны жюри членнары уңай яктан бәяләделәр. Газизова Әлфинә 3 нче урынга лаек булды. Молодцы,кызлар!

Бүген мәктәбебездә башлангыч сыйныф укучылары өчен “ 12 апрель-Космонавтика көне” темасына кичә үткәрелде. Габдрахманова Ә.Н. оештырган әлеге чарада укучылар Галәм, беренче космонавтлар турында кызыклы мәгълүматлар алдылар, космоска очу турында видео ролик карадылар. Кичәнең икенче өлешендә укучылар, ике командага бүленеп, көч сынаштылар. “Марс” һәм “ Венера” командалары укучыларының белемнәре  тигез булды. Дуслык җиңде.

10 нчы  апрель көнне 1-4 сыйныф укучылары  арасында “ Кошлар- безнең дуслар” темасына викторина үткәрелде. Дәүләтова Г.Г.әзерләгән әлеге чарада укучылар кошлар турындагы белемнәрен төрле төрдәге биремнәрне үтәү аша сынадылар. Укучылар үзләренең кошлар турында күп мәгълүмат белүләрен күрсәттеләр. Кичә бик җанлы үтте.