Бүген балалар өчен иң сөенечле, көтеп алган көн. Бүген бездә "Кояшкай" ял лагере ачылды. Иртәнге линейка булып узды. Татарстан гимны  астында лагерь флагы күтәрелде. Линейка барышында куркынычсызлык техникасы буенча инстуктаж үткәрелде.  "Кояшкай иленә сәяхәт" дигән кичә лагерьны тантаналы рәвештә ачып җибәрде. Сәяхәткә Вәли белән Гафифа алып кереп китте, балалар аларны шарлар тотып, ике рәткә тезелеп көтеп торды. Лагерь җитәкчесе Әхмәтшина Рузалия Исмагиловна балаларны бәйрәм белән котлады, тантаналы рәвештә тасманы кисте. Балалар бирегә үтте һәм анда аларны бик кызыклы сынаулар көтеп тора иде, барысына да бердәм җавап бирделәр, тамаша җыр һәм биюләр белән дәвам итте. 

Икенче иртәнге ашны ашаганнан соң, "Кояшкай" балалар лагеренда,Сатыш мәдәният йорты һәм китапханә хезмәткәрләре  белән берлектә  1июнь - балаларны яклау көне уңаеннан оештырылган "Безнең бәхетле балачак", дип аталган кичә булып узды, анда балалар көче белән әзерләнгән концерт куелды. Кызыклы уеннар уйналды. Кичә күңелле һәм бик файдалы үтте..  

Математика фәне белән кызыксынучы, сәләтле укучыларны барлау максатыннан, район күләмендә “Тере геометрия” дип исемләнгән презентацияләр конкурсы үткәрелде. Конкурста катнашкан 8 сыйныф укучысы Хәсәнова Руфинәнең эше (җитәкчесе – Гыйльманова Р.Г.)  2 урынга лаек дип табылды. Руфинәне җиңүе белән котлыйбыз, алга таба да уңышларга ирешүен телибез.

Баш очыннан ак болытлар ага

Ак болытлар – безнең балачак.

Балачакка кире кайтып булмый

Алар шулай ап-ак калачак

Ак болытлар безнең балачак.

       Бүген мәктәбебездә соңгы кыңгырау чыңлады. Агымдагы уку елын 3 егет һәм 4 кыз тәмамлады.Алар кичәне бик матур үткәрделәр. Мәктәптә матур шигырьләр яңгырады,  укучыларның, укытучыларның һәм килгән кунакларның күңелләренә үтеп керердәй җырлар башкарылды. Дәртле биюләр күңелләргә хуш килде.

Васил Заһит улы Гарифуллин исемендәге "Серле каләм" иҗат бәйгесендә 11нче сыйныф укучысы Дәүләтова Альмира (җитәкчесе Мөхәмәтханова Гүзәлия Миннехан кызы) "Гран-при" белән бүләкләнде. Киләчәген журналистика белән бәйләргә теләүче укучыбызга уңышлар телибез.

Бүген тәнәфес вакытларында укучыларга терроризм һәм аның зыяны, террорчылар кулына эләккән вакытта үз -үзеңне тоту кагыйдәләрен үз эченә алган эчтәлекле видеофильм карау оештырылды. Укучылар әлеге фильмны карап күп нәрсәгә өйрәнделәр. 

  Бүген 5-11 классларда  "Ышаныч телефоны ни өчен кирәк?" дигән темага тәрбия минутлары үткәрелде. 

 13-17 май көннәрендә 10 класс егетләре катнашында район күләмендә хәрби-кыр җыены узды. Безнең мәктәбебезнең 10 класс егетләре дә әлеге чарада катнашып белем күнекмәләрен ныгыттылар.

15 май - Гаилә көне уңаеннан Бигәнәй башлангыч мәктәбендә "Безнең гаилә" дип аталган кичә-тамаша булып узды. Тамаша барышында укучылар үзләре эшләгән презентация күрсәтелде, кул эшләреннән күргәзмә оештырылды. Мамалай башлангыч мәктәбендә "Гаилә-җылы учак" дип исемләнгән кичә булып узды.

1-4 класслар өчен тарих фәне укытучысы Марданова Сәрия "Туган якны өйрәнү" музеена сәяхәт ясады. Укучыларны гаилә ядъкәрләре белән таныштырды.

Татар теле фәне укытучысы Мухаметхановнв Г.М. тарафыннан "Минем гаиләм" темасына иншалар конкурсы оештырылды.