Авылыбыз фельдшеры Зарипова Э.Р.  укучылар алдында "Наркотик матдәләр һәм аларның яшүсмер организмына зыяны" темасына чыгыш ясады. Әлеге чыгыштан соң укучылар  үзләренә нәтиҗә ясап , сәламәт яшәү,  тормыш девизы икәнлекне аңладылар.

Бүген 8-11 нче сыйныфлар өчен "Мин-белергә хаклы " дип аталган дәрес-презентация үткәрелде.Әлеге дәрес укучылар өчен файдалы булды.Кеше тормышы өчен куркыныч янаучы наркотикларны укучыларыбыз юлдаш итмәсләр!  

Китапханәче Гильманова А.Н.бүген укучылар өчен "Начар гадәтләрне юлдаш итмә!" баш астында китаплар күргәзмәсе оештырды.Укучылар өчен оештырылган әлеге чараның максаты- наркомания афәтеннән ераграк тору.

Бүген хореография түгәрәге җитәкчесе Аухадиева Н.А.  "Россия балалары " операциясе кысаларында    1-4 сыйныф укучылары белән берлектә  " Флешмобчылар сәламәт яшәү рәвеше яклы" баш астында флешмоб үткәрделәр. Алар  укучыларны сәламәт яшәүгә өндәделәр.

Бүген мәктәптә еллык план нигезендә китапханәче Гильманова А.Н. укучыларга "Коррупциягә урын юк!" дип аталган видеофильм күрсәтте. Соңыннан укучылар белән әңгәмә оештырылды. Әлеге чара укучыларны намуслы яшәргә чакырды.    

Мәктәбебездә 17-21нче сентябрь көннәрендә "Россия балалары" акциясе башланып китте. Әлеге акциянең максаты: укучыларда сәламәт яшәү рәвеше формалаштыру. Бүген шушы акция кысаларында "Наркотик һәм аның зыяны"дип аталган видеофильм күрсәтелде. 

15 нче сентябрь- Татарстан Варисларының туган көне.Шушы уңайдан 5 нче сыйныф укучыларын варислар берлегенә кабул итү тантанасы булып үтте.Яшь варислар тантаналы төстә варис кагыйдәләрен,законнарын үтәргә вәгьдә бирделәр,лаеклы алмаш булырга ант иттеләр.Котлыйбыз сезне,укучылар!

Бүген 5-11 сыйныф җитәкчеләре укучыларны "Экстремизм - җәмгыятькә куркыныч яный" темасы белән таныштырып үттеләр., презентация күрсәтеп киттеләр. Укучыларга әлеге чыгыш файдалы булды,  төрле милләт халыкларының дус- тату яшәргә тиешлеген тагы бер кат исбатлады. 

Дәресләрдән соң 8нче, 10нчы сыйныф укучылары 12 сентябрь көнне мәктәп бакчасыннан бәрәңге уңышы җыйнауда актив катнаштылар. Уңыш куанычлы, ел әйләнәсенә җитәрлек бәрәңге җыйналды.

10 сентябрь көнне 8 нче сыйныф укучылары, сыйныф җитәкчесе Тимергалиева Г.Ф. белән берлектә, “Сәламәт тәндә – сәламәт акыл” дигән темага тәрбия сәгате вакытында  спорт мәйданчыгында шау-гөр килеп футбол уйнадылар. Җиңүне егетләр командасы яулады. Әлеге төр тәрбия сәгате укучылар өчен бик кызыклы булды!