Укытучы Мөхәмәтханова Г.М. Шәүкәт Биктимеровның туган көне уңаеннан,мәктәптә "Театр сәнгатенең сүнмәс йолдызы"дигән кичә үткәрде.Үзе исән чагында ук исемен үлемсезлеккә әйләндергәннәр арасында Шәүкәт Биктимеров та бар.Ул сәхнәдә тудырган образлар да кешеләргә гел яхшылык кылырга гына өйрәтә. Шәүкәт Биктимеров - Казан артының татлы һавасын сулап үскән,аның шигъри моңын үзенә  сеңдергән татарның бер газиз баласы.

   Кичәдә якташыбыз турында истәлекләр,шигырьләр укылды.Әлеге чара укучыларда сәнгатькә мәхәббәт тәрбияләүдә әһәмияткә ия.

"Наркотикларсыз тормыш" айлыгы барышында бүген  сәламәт яшәү рәвешен пропагандалаучы әкиятләр укылды.Әкият геройлары спорт белән шөгыльләнеп,көндәлек режимны төгәл үтәп, сау-сәламәт яшиләр.Укучыларга да әлеге әкият геройларыннан үрнәк алырга урын бар иде.

Бүген мәктәбебездә "Китапка икенче тормыш бүләк ит" акциясенә нәтиҗә ясалды. Бу акция 2014 елның 22 июленнән  22 октябренә  кадәр дәвам итте, акция барышында мәктәп китапханәсенә бик күп төрле китаплар бүләк ителде.  Җиңүчеләр дә билгеле булды, алар 9 сыйныф укучылары  Зайнетдинова Адилә һәм Исмагилова Рания дип табылды. Алар мәктәп дирекциясенең рәхмәт  хаты белән бүләкләнделәр. 

"Наркотикларсыз тормыш"акциясе барышында  бүген мәктәптә плакатлар бәйгесе булып узды. Бу бәйгедә барлык сыйныфлар да актив катнаштылар, берсеннән берсе эчтәлекле плакатлар яклап үттләр алар. Әлеге бәйгенең төп  максаты - сәламәт яшәү рәвеше тәрбияләү. 

Бүген "Наркотикларсыз тормыш!" акциясе кысаларында хореография түгәрәге җитәкчесе Аухадиева  Н.А. башлангыч сыйныф укучылары белән флешмоб үткәрде. Аларның девизы "Сәламәт булыйм дисәң, күбрәк хәрәкәтлән!" Укучылар чын күңелдән музыка астында  хәрәкәтләнделәр. Сәламәт булыйк , дуслар!

"Наркотикларсыз тормыш!" акциясе планы нигезендә китапханәче Гильманова А.Н. укучылар белән "Без-сәламәт рәвеше яклы!" темасына рәсемнәр күргәзмәсе оештырдылар. Укучылар үзләренең рәсемнәрендә сәламәт яшәү рәвешен пропагандаладылар, бу акциядә балалар теләп катнаштылар.  

Бүген 10 сыйныфта " Наркотикларсыз тормыш" акциясе кысаларында,  "Начар гадәтләрне юлдаш итмә" дигән темага тәрбия сәгатенә авылыбыз фельдшеры Зарипова Э.Р.чакырылган иде. 

Бүген график нигезендә татар теленнән мәктәп туры олимпиадасы булып узды.Әлеге олимпиадада 19 укучы катнашты.

"Китапка икенче тормыш бүләк ит!" акциясе кысаларында "Чишмәкәй" балалар берлегенең уку юнәлеше членнары китапханәдә китапларны төзекләндерделәр.Рәхмәт, укучылар!

Бүген мәктәбебездә "Наркотикларсыз тормыш" акциясе старт алды.Укытучылар һәм укучылар әлеге акция планы белән таныштырылды,үтәчәк чараларда актив катнашырга чакырылды.