Кышкы озын яллар вакытында балалар үзләренең әтиләре белән бергә агач көрәкләр ясап килделәр.Һәзер көн саен саф һавага чыгып рәхәтләнеп кар көриләр. Бер яктан - сәламәтлеккә дәва булса, икенчедән хезмәт күнекмәләре дә алалар. 

Без  инде хәзер зурлар 

Көрәкләр алдык кулга.

Яуган карны көрәрбез,

Рәхәтләнеп уйнарбыз.

Бу атна эчендә "Юлларда иминлек кирәк" темасы буенча эшлибез. Урамга чыккач балалар кар ташучы "КАМАЗ" машиналары булып кар ташып уйнадылар.

Математика эшчәнлегендә геометрик фигураларны төрле әйберләргә әйләндереп ясау.

Раязны туган көн белән котлап "Ак калач" җырын җырладык, Раязга теләкләр теләдек.

Раяз туган көн сөенеченнән үзенең дусларына бүләкләр өләште.

Бүген Раязның туган көне. Аңа 5 яшь тулды.

Раяз! Бүгенгедәй сөйкемле бул.

Бүгенгедәй бәхетле бул.

Җәй гөлләре үскәндә дә,

Яз яфракларын ярганда да.

Көз җилләре искәндә дә.

Җиргә карлар яуганда да.

Кошларга ярдәм итү уңаеннан балалар әтиләре, бабайлары булышлыгы белән җимлекләр ясап алып килделәр.

Апалар ясаган таудан шуулары бик күңелле.

Җыелып бергә, 

Тауга чыгабыз, 

Шаулашып анда 

Чана шуабыз.

Кычкырабыз без.

Бергәләп:"На-на!

Курыкмыйбыз һич

Чанабыз яңа.

30 декабрь көнне район мәдәният йортында узган бал-маскарадта "Яңа ел бизәкләре!" конкурсы җиңүчеләрен бүләкләү тантанасы булды. Авыл җирлекләре балалар бакчалары арасында безнең бакчага беренче урын бирелде. Сын ясауда катнашкан барлык кешеләргә дә зур рәхмәтебезне җиткерәбез. Якынлашып килүче Яңа ел белән тәбрик итәбез.Киләсе Яңа ел игелекле булсын. Һәр гаиләгә тынычлык, бәхет, шатлык-куанычлар гына алып килсен.