Бүген бакчабызда әниләребезгә, кызларыбызга, әбиләребезгә карата 8 март Халык-ара хатын- кызлар көне белән котлап кичә булып узды. Максатыбыз 8 март бәйрәме  турындагы белемнәрен тулыландыру. Әбиләргә, әниләргә ихтирамлы мөнәсәбәт тәрбияләү,сәнгатьле сөйләү күнекмәләрен өйрәтүне дәвам итү иде.

Йөрәгемнең иң түрендә

Иң кадерле әнием!

Яхшылыкта, яманлыкта

Әниемә тиң – илем!

Кичәбезнең беренче өлешендә балалар әниләрен  бәйрәм белән котласалар, икенче өлешендә кызлар белән әниләр үзара уеннар уйнап үзләренең зирәклекләрен, осталыкларын күрсәттеләр.

Сезгә чәчәкләр китердек,

Төрлесен , хуш ислесен.

Юлыбыз гөлгә күмелсен

Безгә җиңү китерсен.

Безнең әниләр генә түгел, хәтта кызлар да әниләренә матур прическа ясый беләләр.

Әниләребез үзләренең осталыкларын өч төрле бию аша күрсәттеләр. 

Бәйрәмебез гөрләп барсын,

Уен-көлке күп булсын.

Әйдәгез, бер биеп алыйк,

Кунаклар карап торсын.

Тиздән "8 март  Халык-ара хатын кызлар" көне җитә. Ә бәйрәмне әлбәттә төрледән-төрле чәчкәләр бизи. Бездә бүген балалар белән пластилиннан роза, кыңгырау чәчәкләрен ясадык.

Бүген балалар белән рәхәтләнеп кар атышып уйнадык.

Зурлар төркеме белән дә әниләребезгә бүләккә , дип коала чәчәкләреннән букет ясадык.

Һәр көн саен саф һавага чыгабыз, төрле уеннар уйныйбыз һәм бүген дә  ярышлы уеннар уйнап күңел ачтык.

Кечкенә Ранилебез безнең бакчадан икенче балалар бакчасына күчеп китсәдә,  әмма ул үзенең  рәсемен иң күп тавыш җыеп  "Салават күпере" журналында истәлек итеп калдырды.