Саф һавага чыккач,  тәрбияче апабыз  "Кем эшләми, шул ашамый" дигән мәкальне искә төшерә дә һәм без иң беренче чиратта шугалагыбызны  кардан чистартып рәхәтләнеп тау шуабыз.

Бүген "Миләшкәй" балалар бакчасыннан Әлфис белән Энҗе һәм  "Карлыгач"  балалар бакчасыннан Шәүкәт белән Әминә үзләренең булачак  класс җитәкчесе Фирдания Миннемуловна янына мәктәп белән танышырга килделәр. Фирдәния Миннемуловна  аларны мәктәп тормышы белән таныштырып үтте һәм олы, катлаулы, кызыклы белем юлына аяк басачакларын исләренә төшерде. Балаларга мәктәптә парта артларына утырып биремнәр эшләүләре бик күңелле булды. Балалар  "Без тиздән укучылар булабыз"- дип сөенешеп кайтып керделәр. 

Бүгенге көннән башлап һәнәрләр турында өйрәнәбез һәм рәсем эшчәнлегендә балалар үскәч узләренең кем булуларын рәсемгә төшерделәр. Аларны хыяллы чәчәк үстерүче, шофер, чәч кисүче һ.б.

Чыпчык белән песнәк килде

Кичә куйган җимлеккә.

Әллә кышка сөенәләр,

Әллә инде җим күпкә.

Чыркылдашып сыйландылар,

Канатлар кага-кага.

Көн дә килегез, кошкайлар,

Онытмам җим салырга.

Балаларның хәрәкәт активлыгын, тизлек, җитезлек үстерү, балаларның сәламәтлеген ныгыту максатыннан физкультура эшчәнлеге вакытында төрле уеннар, күнегүләр эшлибез.

Чыршы, каен, миләш агачларына җимлекләрне элеп куйдык. Аларга көнбагыш, ипи валчыклары салып куйдык. Кошкайлар, килегез, рәхәтләнеп безнең сыйдан авыз итегез.

Кышын бездә яшиләр:

Песнәкләр һәм чыпчыклар,

Күгәрченнәр, чәүкәләр,

Тагын башка кошчыклар. 

Кыен була аларга

Кышын салкы көннәрдә

Ачыгалар, туңалар,

Ашарга җимнәр беткәч.

Шушы салкын кышларда,

Бу сөекле кошларга.

Балалар ярдәм итә,

Рәхәт, тыныч кышларга.

Җим сибәләр аларга.

Җимлек ясый балалар.

Шатланышып кошкайлар,

Җимлекләргә киләләр.

Балалар белән бүген транспорт төрләрен кабатладык. Икегә бөкләнгән турыпочмаклардан автобуслар, йөк машиналары, трамвайлар кисергә өйрәтү, юл йөрү турындагы белемнәрне баету,  транспортта, юлларда үз-үзеңне тоту кагыйдәләрен ныгыту максатыннан кисеп ябыштыру эшчәнлегендә транспорт төрләрен кисеп ябыштырдылар.