Яңгыр явып сыннарыбыз эреп бетә дигәндә генә , яңадан көннәр суытып куйды. Әмма без бөтен көчебезне куеп сыннарыбызны  төзәттек Һәм менә шушындый матур "Теремкәй"  исемле ял паркы барлыкка килде.    

Салкынга карамастан "Теремкәй" ял паркына куян, бака, тычкан, төлке, бүре, аю да килгән иде.

Рәсем эшчәнлегендә балалар  бәйрәмне искә төшереп яңа ел  чыршысын ясадылар. Ясалган чыршылар бик матур килеп чыктылар.

             Кадерле дуслар!

       Сезнең барыгызныда якынлашып килүче Яңа ел белән котлыйбыз! Бәйрәмнәрегез мөбәрәк, табыннарыгыз түгәрәк, эшләрегез уң булсын! Күңелләрегез һәрчак мәрхәмәтле, йөзләрегез шатлык –куаныч нурларыннан балкып торсын. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Гаиләләрегез дә иминлек булсын.

Котлы булсын Яңа ел!

Гел шатлыктан торсын ул,

Бәхетле һәм мул тормышка

Күрсәтсен ул яңа юл.

Бәйрәм сәламнәре һәм иң изге теләкләр белән “Миләшкәй” балалар бакчасы коллективы.

Яңа ел котлы булсын!

Дөньялар тыныч торсын!

Һәр бала булсын тырыш!

Күңелле үтсен тормыш!

Бүген "Миләшкәй" балалар бакчасында Яңа ел бәйрәме булып узды.

Бәйрәм бүген- Яңа ел,

Бөтен җиргә кар яуган.

Яңа елны каршылап,

Балалар да җыелган.

Балаларга куаныч:

Монда чыршы килгән ич!

Кабызган йолдызларын,

Балкыта ул йөзләрен.

Чәчәк кебек ап-ак карлар ява,

Туган якны сагынып кыш килде.

Ак бүздәй йомшак кар белән,

Җирне биләүләп төрде.

Кыш ул үзе йөрми ялгыз гына

Җитәкләгән күркәм бәйрәмне,

Нинди бәйрәм? – диеп сорасагыз,

Бездә бүген чыршы бәйрәме!

Балалар кунакка килгән Убырлы белән бик күп уеннар уйнадылар.

Дуслар бергә җыелдык,

Бергә шундый күп булдык,

Матур җырлар җырлар өчен,

Кулны-кулга тотындык.

Әйдә, бергә биеп алыйк

Әйдә, бергә уйнашыйк.

Бизәкле чыршы янында

Гөрлик, көлик, җырлашыйк .

Бүген бездә зур бәйрәм!

Бүген Яңа ел килә

Безнең күңелләр җырга

hәм биюгә җилкенә.