Бу атна башыннан ук  балалар белән галәмнең нәрсә икәнен, күк җисемнәрен, беренче космоска очкан Белка, Стрелка исемле этләр белән таныштык һәм  Юрий Гагарин турында белемнәрне ныгыту өстендә эшләдек. 

Язның икенче аена кердек, урамда рәхәт һәм балаларга да күңелле.

Түземсезләнеп көткән сыерчыкларыбыз ояларына килделәр. Без аларны көн саен күзәтәбез, акрын гына сайраганнарын тыңлыйбыз.

Физкультура эшчәнлегендә төрледән-төрле күнегүләр ясап сәламәтлегебезне ныгытабыз. Зирәк, тапкыр, җитезлегебезнне уеннар аша сынап карыйбыз.

Эшчәнлек вакытында компьютерны кулланып  эшләвебезне дәвам итәбез. 

Яз җитте, урамнарда, юлларда йөрүләре ешая, чөнки көннәр матур булганлыктан урамнан бердә керәсе килми. Менә бүген дә кабат  балалар белән юл йөрү кагыйдәләрен, юл билгеләрен искә төшердек. 

Сөйләм үстерә эшчәнлегендә нәрсә ул электр һәм электр җиһазлары белән таныштык. Электр җиһазларын кулланганда сак  булырга өйрәндек.  "Мәче йорты" мультфильм искә төшердек.

Автобуска утырып математика иленә сәяхәткә бардык. Сәяхәт вакытында бик күп төрле биремнәр эшләдек.

Бүген балалар белән янгын куркынычсызлыгы хакында сөйләштек , янгынны булдырмау кагыйдәләрен искә төшердек һәм янгын машинасын ясадык.

Сабын күбекләрен очыртып уйныйбыз.