Балалар белән юл йөрү кагыйдәләрен хәтта кәгазь битләренә төрле рәсемнәр ябыштырыпта өйрәнәбез.

Бүген кисеп ябыштыру эшчәнлегендә М.Җәлилнең "Куян" шигыренә таянып ак куянкайны ябыштырдык.

Балалар бакчасында  балалар белән көн дәвамында  төрле эшчәнлекләрдә катнашабыз. Әмма иң кызыгы шунда: яраткан курчакларыбыз белән хәтта малайларыбызда уйнарга онытмыйлар.

Бу атна эчендә балаларда патриотик хисләр тәрбияләү, М.Җәлил турында балаларның белемнәрен баету, аның әсәрләре белән танышуны дәвам итү максатын куеп эшлибез.  Сөйләм теле эшчәнлегендә "Карак песи" шигыре белән таныштык.

М.Җәлилнең "Карак песи" шигыренә таянып рәсем ясадык.

Рус теле эшчәнлегендә бик күп сәяхәтләр кылабыз. Бүгенге эшчәнлектә Австралия җәнлеге көнгерә һәм аның сумкасында яшәүче  баласы белән таныштык. 

Рус теле эшчәнлегендә балалар белән джунглида бүреләр тәрбиясендә яшәгән "Маугли" исемле малай турында мультфильм карадык.

Бу атна дәвамында балалар белән Россия безнең илебез, аның зур дәүләт икәнлеген, башкаласы - Мәскәү шәһәре, флагы, гимны, гербы белән танышу өстендә эшлибез.  Танып белү эшчәнлегендә Россия символикалары белән презентация ярдәмендә якыннан таныштык.

Грамотага өйрәтү эшчәнлегендә Р.Шәехованың мәктәпкәчә яшьтәгеләр  әлифбасы: "Авазларны уйнатып"  дип исемләнгән дәфтәрләрен кулланып балаларны грамотага өйрәтү өстендә эшлибез. Күп вакыт балалар белән "Кайтаваз", "Кырыс һәм ягымлы малайларга дөрес тоташтыр", "Кем күбрәк сүз әйтә?", "Тере модельләр", "Сүзләр чылбыры", "Сүзләрне уйлап әйт" уеннары аша  авазларны танырга, сузык, тартык авазларны аерырга  өйрәнәбез.