Бүген 22 февраль көнне бакчабызда "Танып белү өлкәсендә ФГОС  алымнарын" өйрәтү темасы буенча тәрбиячеләр семинары булып узды. Семинарда район мәгариф бүлегеннән әйдәп баручы белгеч Гумерова Л.М. һәм тәрбиячеләр катнашты. Семинарны мөдир Каюмова Г. Х. бакча тормышы турында сөйләп ачып җибәрде. Тәрбияче Хаҗиева А.М. балалар  белән "Математика иленә сәяхәт" темасына  эшчәнлек күрсәтте һәм  23 февраль Ватанны Саклаучылар көненә бәйләп "Әтием -минем горурлыгым!"  дип, исемләнгән бәйрәм иртәсен чагылдырды.

Бүген бакчабызда "Әтием -минем горурлыгым!" дип, исемләнгән кичә булып узды. Балалар үзләренең яраткан әтиләрен, бабайларын, абыйларын "Ватанны саклаучылар" көне белән котлап җырлар, биюләр, шигырьләр бүләк иттеләр. 

Әтиемнең алтын куллары

Көрәп куя карлы юлларны.

Ул булганда җылы өебез,

Ул булганда җырлап йөрибез.

Әтиемнең җылы куллары

Якты булсын йөрер юллары.

Әти-диеп әйтү бер ләззәт!

Син булганда, Әти бик рәхәт!

23 февраль – ул Ватан сагында торучылар , хәрби хезмәтне үтүчеләр  һәм  әле беренче адымнарын атлап килүче — яраткан улларыбыз, әтиләр, абыйлар көне. Бүген без батырларча ил чикләребезне  яклаган һәм хәзер дә яклап торучы,  хәрби бурычларына тугырылыклы калучыларыбызны олылыйбыз. Сезгә һәрчак бүгенгедәй үрнәк булуны, сәламәт яшәүне,бәхеткә ирешүне,тынычлык, гаиләгездә аңлашу һәм мәхәббәт телибез.

Бәйрәмебез гөрләп барсын

Уен-көлке күп булсын.

Әйдәгез, бер биик,

Әтиләр карап торсын.

Бәйрәмнең  икенче өлешен кечкенәләр һәм аларның әтиләре  дәвам итте. Алар бергәләшеп уйнадылар, күңел ачтылар.

Әти безнең терәгебез,

Әти безнең яклаучы.

Кирәк чакта минем белән

Дустым кебек уйнаучы

"23 февраль - Ватанны саклаучылар" көненә багышланган  "Иң оста куллы әти-әниләр" дип, исемләнгән конкурс игълан иттек. Конкурсның максаты әти-әниләрнең балалар белән берлектә эшләүләре, бәйрәм рухын булдыру иде. Максатыбызга  тулысынча ирештек,  дип әйтсәктә була, чөнки барлык әти-әнидә читтә калмаган. Үзләренең эледә тар вакытларын кызганмыйча барлык көчләрен, фантазияләрен, бар булган материалны  кулланып төрледән -төрле  кул эшләре алып килделәр. Бәйрәмгә ямь өстәгәннәре өчен барлык әти-әнигә, балаларга зур рәхмәтебезне җиткерәбез. Алга таба да зурдан-зур уңышлар теләп "Миләшкәй" балалар бакчасы коллективы. 

23 февраль календарьда “ Ватанны саклаучылар көне” дип билгеләнгән. Һәм без үзебезнең нәни кулларыбыз белән әтиләребезне котлап бәйрәм бүләге ясарга уйладык.