Менә каникуллар килеп тә җитте. Алда өч айлык күңелле җәй. Җәй – ял гына түгел, балаларның сәламәтлеген ныгыту өчен дә иң әйбәт вакыт бит. Моның өчен бездә тиздән мәктәп янындагы лагерь эшли башлаячак.

1 июнь - Халыкара балаларны яклау көне ел саен төрле чаралар белән үрелеп билгеләп үтелә. Бу көнне дөньяның барлык почмакларында кызлар-малайлар өчен бәйрәм чаралары, концертлар, төрле бәйгеләр оештырыла. Безнең мәктәптә дә бәйрәм хөрмәтенә балалар Сабантуе оештырылды.

2016-2017 нче уку елы ахырына якынлашты. Мәктәпне 3 укучы "5" билгеләренә (Гобәева Миләүшә, Зайнуллина Алия, Мадаминова Асия - 4 кл); 15 укучы "4" һәм "5" билгеләренә тәмамлады. Җәй көннәрендә дә укуны онытмыйча, алган белемнәрне ныгыту өстендә эшләргә кирәк.

Бүген мәктәбебезнең 9 нчы сыйныф укучылары рус теленнән төп дәүләт имтиханын тапшырдылар. Укучыларга барлык имтиханнарын уңышлы тапшырып чыгып максатларына ирешүләрен теләп калабыз!

Мөрәле төп мәктәбе укучылары Кайбыч мәдәният йортында "Әкият" курчак театры тәкъдим  иткән "Су анасы" әкиятен карап кайттылар. 

9 нчы сыйныф укучылары өчен бүген соңгы кыңгырау яңгырады. Иртәдән үк мәктәп бәйрәм төсен алган. Музыка, котлау сүзләре, шарлар... Тантанага ямь өстәүче батыр егетләребез һәм бер кызыбыз куз явын алырлык. Мәктәп җитәкчесе Зиганшин А.Р. узып баручы уку елына нәтиҗә ясады, укучыларны бәйрәм белән котлады. Район мәгариф бүлеге методисты Зиядиева Л.Р. матур теләкләрен җиткерде. Котлау өчен сүз кемгә генә бирелмәсен, һәркемдә бер теләк - сынауларны уңышлы тапшырырга. Амин, шулай булсын. 

Башлангыч сыйныф укучылары язуның барлыкка килүе, беренче китап язучыларның тарихы белән таныштыру максатыннан славян халкының язуы һәм мәдәнияте көненә багышланган чара уздырды. Анда әлеге бәйрәм һәм хәрефләрне уйлап табучы Кирилл һәм Мефодий иҗаты турында  сөйләнде. 17 май көнне мәктәбебезнең 7 нче сыйныф укучысы Шәрәфиева Адилә Казан шәһәренең 98 нче гимназиясендә ел саен үткәрелә торган Кирилл һәи Мефодий укуларында катнашып кайтты.  

Г. Кариев исемендәге Яшь тамашачылар театры артистлары Кайбыч мәдәният йортында укучы балалар өчен "Светофорда кунакта" исемле тамаша тәкъдим итте. Тамаша  бүгенге көндә иң актуаль  булган проблемаларны яктырта. Соңгы вакытларда балалар белән булган юл һәлакәтләре  кемне генә тетрәндерми икән? Шуңа да безнең укучыларыбыз һәркайда да уяу, зирәк булырга тиеш. Юл кагыйдәләрен тиешенчә белгән очракта гына без мондый хәвефләрдән читтә кала алабыз. Юл кагыйдәләрен белик һәи төгәл үтик. 

Әле кайчан гына беренче сыйныфка укырга килгән укучылар бүген башлангыч сыйныфны тәмамлап икенче баскычка аяк басарга әзерләнәләр. Башлангыч сыйныфта алган белемнәрен ныгыту максатыннан 4 нче сыйныф укытучысы Сәйфетдинова А.М. нинди генә алымнар кулланмый: индивидуаль  эш, төркемнәрдә эш төрләре, диалог алымнарын уңышлы файдалана. Укучылар чираттагы сынауда. 

Елдагы традиция буенча 19 майны укучылар түземсезлек белән көтеп алалар. Бүген дә Пионериянең 95 еллыгы уңаеннан бәйрәм сбор белән башланып китте. Сбордан соң укучылар белән бергәләп җәяүле поход оештырылды. Бәрле елгасына юл тоттык. Төрле яңа уеннар уйнадык, укучыларның бәрәңге пешерү осталыгын күзәттек. Һәм билгеле инде елга буеннан уха пешермичә кайтмадык. Ә ухасы телеңне йотарлык тәмле иде.