“Наркотикларсыз тормыш”

Мәктәптә республика күләмендә үткәрелгән “Наркотикларсыз тормыш” айлыгы кысаларында чаралар үтә. 10 нчы сыйныфта “Без наркотикларга каршы!” темасы астында  үткәрелгән тәрбия сәгатендә укучылар да актив катнаштылар. 

“Педагогик совет утырышында”

Укытучылар педагогик советта узган уку елының отчетын тыңладылар һәм яңа уку елына план кабул иттеләр. Икенче өлештә укытучылар сингапур методларын кулланып үткәрелгән тренингларда фикер алыштылар. 

«Укучылар өчен линейка”

Һәр дүшәмбе мәктәптә укучылар өчен линейка үткәрелә. Линейкада үткән атнага йомгак ясала, алдагы атнага эшпланы кабул ителә һәм ярышларда җиңүче укучылар бүләкләнә.

“Милләтләр кроссы – 2013”

Мәктәптә зур әзерлек белән “Милләтләр кроссы” үтте. Мәктәп коллективы бердәм булып бу йөгерештә катнашты. Яхшы күрсәткечләр күрсәткән укучылар грамоталар белән бүләкләнде.

“Курск сугышына – 70 ел”

Курск сугышына 70 ел тулу уңаеннан мәктәптә төрле чаралар, тематик дәресләр үтте. 7-8 сыйныф укучылары арасында “Курск сугышы турында белүчеләр турнир”ында балалар көч сынашты, бу сугыш турында белемнәрен ныгытты.

“ Мәктәптә – юбилей!”

Мәктәптә математика укытучысы Сафина Гөлфирә Калимулловнаның 55 яшьлек юбилее билгеләп үтелде. Бәйрәмдә укытучылар һәм укучылар юбилярга үзләренең матур теләкләрен җиткерделәр.

«Сәламәтлек дәресе”

Районның халыкны социаль яклау үзәге “Наз” хезмәткәрләре башлангыч сыйныф укучылары белән “Сәламәтлек дәресе” үткәрделәр. Дәрестә балалар сәламәтлек иленә сәяхәт иттеләр, кызыклы уеннар уйнадылар, башваткычлар чиштеләр.

“Игътибар, балалар!” акциясе.

“Игътибар, балалар!” акциясе кысаларында мәктәпкә район ГИБДД инспекторы Шафигуллин Ф. балалар белән очрашу үткәрде. Ул аларга юл йөрү кагыйдәләре, юл билгеләре, велосипедта йөрү кагыйдәләре турында аңлатты.  Аннары 1нче сыйныф укучыларына бүләкләр дә өләште.

3.09.13. Мәктәбебез яңарды!

Җәй буе мәктәптә капиталь ремонт барды. Менә, ниһаять, яңа уку елын яңартылган, матурланган мәктәбебездә башлап җибәрәбез.

Син бит өр-яңа булгансың,

Тышларың да бизәлгән.

Эченә керсәң – исең китәр,

Бар нәрсә дә үзгәргән!  

2.09.13. Парламент дәресе.

Һәр сыйныфта Россия Федерациясе Конституциясенең 20 еллыгына багышланган Парламент дәресләре үтте. Укытучылар зур әзерлек белән балаларга Конституция кабул ителү тарихын, законда язылган хокук һәм бурычларны аңлаттылар. Укучылар да белгән белемнәрен ныгыттылар.