8 март – халыкара хатын-кызлар көне уңаеннан 9-11 класс укучылары өчен бәйрәм кичәсе үткәрелде. Кичәне 10 класс егетләре алып барды. Кызлар “Ландышлар” һәм “Пупсики” командаларына бүленеп ярыштылар.

1-4 сыйныф укучылары өчен 8 март һәм 23 февраль бәйрәмнәре уңаеннан “дуслык” бәйрәме уздырылды. Әлеге бәйрәмдә кызлар һәм малайлардан торган 3 команда ярышты. Ярышта табышмаклар әйтешү, төшермичә шар йөртү, тизлеккә кызлар киендерү, сазлык аша йөрү, эстафета, каршылыклар аша узу кебек күңелле уеннар булды.

Бүген беренче сыйныф укучылары әлифба китабын уңышлы тәмамлауларын бәйрәм иттеләр. Бу- гаилә бәйрәме. Укытучы, укучы, әти-әнинең тырышлыгы нәтиҗәсендә зур җиңү яуланды. Беренчеләр укырга, язарга өйрәнделәр.

Район күләмендә татарча көрәш буенча ярышлар еш уздырыла. Әлеге ярышларда мәктәбебез көрәшчеләре актив катнаша һәм призлы урыннар яулыйлар. Шундый ярышларның чираттагысы Бөрбаш авылы җирлегендә, Фидаил Шакиров истәлегенә, уздырылды. Әлеге ярышта көрәшчеләребез командасы беренче урынны яулады һәм кубокны үзебездә калдырды.

Оборона-масса  һәм спорт айлыгы планы нигезендә һәр класс кышкы табигатькә  чыгарга тиеш. Башлангыч сыйныф укучылары әлеге экскурсияне беренчеләрдән булып башлап җибәрделәр. Алар класслары белән тау шуарга бардылар, табигатьтә рәхәтләнеп күңел ачтылар.

1-4 класс малайлары арасында КВН уздырылды. Әлеге күңелле уенда барлык малайлар да актив катнаштылар. Алар табышмак әйтешү, пантомимо күрсәтү, рәсем ясау, мәзәк сөйләү кебек кызыклы уннарны яратып уйнадылар.

«Созвездие-Йолдызлык» конкурсының зона ярышында мәктәбебез укучылары уңышлы чыгыш ясады. Биючеләребез, җырчыларыбыз үзләренең матур чыгышлары белән Салавыч мәдәният йорты сәхнәсен дер селкетеп кайттылар.

Республика күләмендә “Сабантуй” газетасы призына  татарча көрәш бәйгесе уздырылды. Әлеге ярышта мәктәбебезнең 9 сыйныф укучысы Муллахметов Ильнар катнашты. Ул 65 кг. үлчәү авырлыгында, Татарстан күләмендә, беренче урынны яулады. Молодец, Ильнар!

Эльвина Сәләхетдинова Казан шәһәрендә узган халыкара "Виват, Казань"конкурс-фестиваленнән зур җиңү яулап кайтты.

Бүген мәктәптә традицион “Аҗаган” уены уздырылды. Көннең 30 градус салкын булуына карамастан укучылар ярышларда бик теләп катнаштылар. Яшерен пакет эзләү, патриотик җыр, чаңгыда узышу кебек конкурслар оешкан төстә узды.  Барлык укучылар да “ашыгыч ярдәм”, “яшь пожарник”, “тапкырлар аланы”, “төз атучы”, “сазлык аша узу”, “ГО”, “җитезләр аланы”  дип исемләнгән станцияләр аша уздылар, һәрберсе андагы биремнәрне үтәде.