Мәктәбебез белән “Үтәй” күленә  походка бардык. Табигать кочагында учак ягып бәрәңге пешердек, класслар арасында ярышлар уздырдык, фотоларга төштек. Шулай ук авылыбызның табигать һәйкәле булган  Үтәй күлен чүп-чарлардан арындырдык.

Мәкәп укучыларының “балачак илендә” дип исемләнгән еллык отчет концерты булды. Әлеге чарада уку елы дәвамында район, республика, регионара конкурсларда катнашып призлы урыннар алган укучыларга мәктәп грамоталары  тапшыру тантанасы булды. Соңыннан укучылар һәм укытучылар көче белән зур концерт куелды.

Авылыбыз чишмәләргә бай. Әлеге чишмәләр классларга беркетелгән һәм  без аларны даими рәвештә чистартып торабыз.Әлеге изге эшебез өчен авыл халкы безгә зур рәхмәтле.

Әлеге уңайдан классларда экология дәресләре уздырылды. Дәресләрдә экологиягә багышланган презентацияләр күрсәтелде, авыл җирлегенә караган экологик проблемалар турында сөйләшүләр булды, укучыларның экологияне яхшырту турындагы фикерләре тыңланды.

Район күләмендә яшь фотосөючеләр арасында “Юность России” дип исемләнгән конкурс уздырылды. Әлеге конкурста 5 класс укучысы Хайруллина Диләрә катнашты. Ул  “Пейзаж” номинациясендә район күләмендә 3 урынны яулады.

 Саба районында  Миннебаев Рамил Рафикович призына татар-башкорт көрәше буенча ярыш уздырылды. Әлеге ярышта мәктәбебез укучылары да катнашты  һәм призлы урыннарга лаек булдылар. Сабадан  6 класс укучысы Хабибуллин Руфил 2 урынны, 9 класс укучысы  Муллахметов  Ильнар 1 урынны яулап кайтты.

Авыл китапханәсе укучылары арасында ” Место подвига Афганистан” исемле конкурс уздырылды.Конкурста мәктәбебез укучылары Ахмадуллина Илүсә һәм Нурмухаметова Руфияләр катнашты. Әлеге укучылар “жюти симпатиясе” номинациясендә җиңүчеләр булдылар һәм грамота белән бүләкләнделәр.

9 май – Җиңү бәйрәме уңаеннан “Хыял” балалар оешмасы укучылары “Ветеранны котларга онытма”! дип исемләнгән акция уздырдылар. Әлеге акция барышында тыл хезмәтчәннәренең өйләренә барып, бәйрәм котлаулары  тапшырылды. Өлкәннәр әлеге котлауларны зур дулкынлану белән кабул иттеләр, балаларга  күп рәхмәтләр әйтеп, үзләренең үгет-нәсихәтләрен биреп озатып калдылар.

Авылыбызда бердәнбер сугыш ветераны Хәкимова Разия апа яши. Разия апабыз, сәламәтлеге какшау булу сәбәпле, бәйрәм чараларында катнаша алмады. Әмма 6 класс укучылары ветеранны котлау өчен аның өенә бардылар һәм бәйрәм котлавы җиткерделәр. Разия апа кабат сугыш елларын искә алды, балаларны хәзерге матур тормышның кадерен белергә өндәде.

Мәктәбебез белән Бөек Җиңүнең 69 еллыгына багышланган митингта катнаштык. Һәйкәл янында узган әлеге тантанада 3 класс укучылары “Җиңү көне” дип исемләнгән монтаж белән чыгыш ясадылар, өлкән класс укучылары һәйкәлгә кулдан ясалган веноклар салдылар, башлангыч класс укучылары тыл батырларына шар-чәчәкләр бүләк иттеләр.