Мәктәптә “Террорчылар кулыннан һәлак булучыларны искә алу  көне” уңаеннан төрле чаралар узды. Укучылар террорчылар кулыннан зыян күрүчеләрне искә алдылар, трагик вакыйгалар хроникасы белән таныштылар.

Мәктәбебездә белем бәйрәме шаулап, гөрләп узды.

Мәктәбебез укучылары, ял көне булуга карамастан, Бөтенрәсәй экологик өмәдә катнашырга чыктылар. Мәктәп тирәсе, бакча чүп-чардан арындырылды.

          Өмәгә килдек җыелып,

          Себерке, чиләк тотып.

           Ялт итсен мәктәп тирәсе

           Бәйрәмгә торсын көлеп.

Бүген 9 сыйныфны тәмамлаган 18 укучы кулларына өлгергәнлек аттестатлары алдылар. Бу аларның беренче җиңүләре.

Мәктәбебездән 5 укучы район “Романтик” ял лагеренда, лидерлар өчен  оештырылган сменада ял итәләр. Алар биредә төрле кызыклы конкурсларда катнашалар, лидерлык серләренә өйрәнәләр.

Лагерьда Россия көне билгеләп үтелде. Балалар белән викторина уздырылды, дәүләт символлары, җитәкчеләр белән таныштырылды.

Лагерьда татлы агач бәйрәме уздырылы. Биредә ял итүче балалар төрле сынаулар узып, татлы агачларны эзләп таптылар, аннары әлеге агачлардан конфетлар эзләргә керештеләр.  Соңыннан үзләре әлеге конфетлар белән сыйландылар.

Лагерьда ял итүче балалар белән Яңгул авылының төрле урыннырына экскурсияләргә йөрибез. Табигать кочагында рәхәтләнеп ял итәбез, төрле конкурслар уздырабыз.

Лагерьда “Алло, без талантлар эзлибез” дигән чара уздырылды.Әлеге чарада балалар үзләренең һөнәрләрен күрсәттеләр, соңыннан дискотека уздырылды.

Мәктәп янында “Кояшкай” ял һәм сәламәтләндерү лагеры үзенең эшен башлап җибәрде. Лагерьда барлыгы 40 бала ял итә.