“Хыял” балалар оешмасы членнары “Туган як серләре” дип исемләнгән Республика конкурсының  район этабында катнашты. Әлеге конкурс Бөек Җиңүнең 70 еллыгына багышлап, берничә номинациядә уздырылды. Безнең оешма “Праздник победы глазами детей” дип исемләнгән фотоконкурста район күләмендә 2 урынны яулады.

Татарча көрәш буенча Россия беренчелегендә уздырылган ярышта мәктәбебездән Ахматханов Ильдан һәм Муллахметов Ильнарлар катнашты. Әлеге егетләребез үз үлчәү авырлыкларында беренче урынны яулап кайттылар. Молодцы, егетләр!

Безнең егетләребез ел дәвамында күп ярышларда катнашалар һәм призлы урыннар яулыйлар. Ильназ Рафиков кул көрәше буенча, 70 кг.нан югары үлчәү авырлыгында, Ф.Ф. Гайнутдинов призына уздырылган ярышта, район күләмендә 2 урынны, Гарипов Рәдиф    1 урынны, Газыймҗанова Руфия 1 урынны яулады.

Бүген 11 сыйныф укучылары математика фәненнән БДИ тапшырырга хәзерләү өчен оештырылган сынау имтиханнарын тапшырдылар. Шушындый ук имтихан 24 март көнне рус теле фәненнән уздырылачак.

Балтач районы  мөхтәсибәтендә Коръән уку бәйгесе уздырылды. Әлеге  бәйгедә мәктәбебездән 3 укучы катнашты.  “Фил-нәс” номинациясендә 4 сыйныф укучысы Закирова Алсу 2 урынны яулады һәм диплом белән бүләкләнде. Афәрин Алсу!

Мәктәбебез базасында авылдашыбыз Габделфәрт Рафиков истәлегенә 1996 елгы һәм яшьрәк укучылар арасында  татар-башкорт милли спорт көрәше ярышы булып узды. Әлеге ярышта мәктәбебезнең көрәшчеләр командасы уңышлы чыгыш ясады һәм 1 урынга лаек булды.

Мәктәп укучылары һәм студентларның V Бөтенроссия фәнни-гамәли конференциясендә, “Татар лингвокультурологиясе:проблемалар һәм перспективалар” дигән доклад белән, 10 сыйныф укучысы Хәкимуллина Иркә чыгыш ясады. Ул әлеге конференциядән, яхшы докладчы буларак, диплом алып кайтты. Иркәне һәм аның җитәкчесе, татар теле һәм әдәбияты укытучысы, Роза Александровнаны уңышлары белән котлыйбыз.

Сәлимә Зиннәтовна җитәкчелегендә “Радуга” бию төркеме кызлары ТНВ телеканалында, “Ива- мебель” фабрикасы данын яклап, “Башваткыч” тапшыруында катнаштылар. Әлеге уңайдан телекомпания җиәкчелеге тарафыннан бию төркеме исеменә рәхмәт хаты алынды.

Республика күләмендә узучы “Мы ценим- мы дорожим” дип исемләнгән открыткалар конкурсының район турында катнашып, 3 класс укучысы Ибрагимова Гүзәл 3 урынны яулады. Безнең Гүзәл рәсем конкурсларында бик теләп катнаша һәм призлы урыннар да яулый. Киләчәктә Гүзәлгә иҗатында тагын да зурырак уңышларга ирешергә насыйп булсын.

5-8 класс укучылары өчен  8 март бәйрәме уңаеннан “Бәйрәм белән, кызлар”! дип исемләнгән кичә оештырылды. Әлеге бәйрәмдә малайлар көче белән концерт күрсәтелде. Шулай ук кызлар өчен кызыклы сораулар да әзерләнгән иде. Әлеге сорауларга төгәл җавап биргән 7 класс кызларына “Иң зирәк кызлар” исемле диплом тапшырылды. Бәйрәм чәй табыны артында дәвам итте.