Мәктәп укучылары район күләмендә уздырылган армспорт ярышларында актив катнашалар. Бу ярышта да сынатмадылар, 10 класс укучысы Ахмадуллин Руслан көндәшләрен җиңеп 2 урынны яулады.

Бу көнне мәктәпнең һәр укучысы һәм укытучысы чаңгыга басты. Спорт-сәламәтлек чыганагы икәнен истә тотып һәркем чаңгыда шуып калырга ашыкты.

“Хыял” балалар оешмасында министрлар кабинетының чираттагы утырышы уздырылды. Әлеге утырышта кышкы лагерьда лидерлар укуында булып кайткан 10 класс укучысы Габделганиева Ләйсән чыгыш ясады. Ул иптәшләренә укучылар үзидарәсен үстерергә кирәк дигән тәкъдим белән чыкты.

 11  класс кучылары ЕГЭ ларга әзерләнү  максатыннан районда оештырылган тестированиеда катнаштылар.

Мәктәбебезнең 10 класс укучысы Габделганиева Ләйсән  Салавыч мәктәбе базасында оештырылган кышкы лагерьда катнашты. Ул анда лидер  булу серләренә  өйрәнде. Шулай ук әлеге лагерь эшендә мәктәп президентлары да катнашты.

Яңа ел бәйрәме 3 сменада уздырылды. Бәйрәм матур җыр-биюләр, күңелле маскалар белән үрелеп барылды.  бәйрәм театральләштерелгән тамаша белән башланып китте һәм бәйрәм дискотекасы белән тәмамланды.

 Мәк тәп күләмендә сәламәтлек көне уздырылды. Бу көнне мәктәп яны балалар тавышыннан гөрләп торды. Кечкенәләр тауда бик күңелле итеп шудылар, хоккей мәйданчыгы конькида шуучылар белән,   ә чаңгы трассасы чаңгычылар белән тулган иде.

 Са лавыч урта мәктәбе базасында Яңгул һәм Салавыч урта мәктәпләре катнашында җәмәгать  тыңлаулары булып узды. Әлеге чара тәҗрибә уртаклашу максатыннан уздырылды.

Үзебезгә-үзебез матурлык тудыру максатыннан кардан сыннар ясадык. Һәр класс 2шәр сын ясады. Ә башлангыч класс укытучылары әти-әниләр белән берлектә зур итеп тау ясадылар. Нәниләр өчен бу бик матур уен мәйданчыгы булды.

5-8 класс укучылары һәм аларның әниләре катнашында бик матур кичә булып узды. Кичәдә укучылар һәм укытучылар концерт куйдылар. Ә әниләр балаларга сюрприз әзерләгәннәр иде. Алар да үзләренең җыр-биюгә, юморга, шигырь сөйләргә оста икәнлекләрен күрсәттеләр.