Спорт айлыгы кысаларында мәктәп күләмендә армспорт буенча ярышлар уздырылды.

Мәктәптә физика һәм математика укытучыларының район семинары булып узды. Семинарда физика укытучысы Сафиуллин Шамил Гарифуллович һәм математика укытучысы Сафиуллин Вакиф Мубараковичлар дәресләр, дәрестән тыш чаралар күрсәттеләр.

Оборона-масса һәм спорт айлыгы кысаларында мәктәп күләмендә баскетбол ярышы оештырылды.

Мәктәбебезнең 10 класс укучысы Газимҗанова Гүзәл Россия беренчелегенә Раменский шәһәрендә узган кул көрәше ярышларында катнашты. Ул 45 кг үлчәү авырлыгында 4 урынны яулады.

9-11 класс укучылары өчен Ватанны саклаучылар көне уңаенна бәйрәм уздырылды. Бәйрәмдә егетләр өчен ярышлар оештырылды, ярышлар арасында кызлар көче белән концерт куелды. Соңыннан бәйрәм дискотекасы ясалды.

Классларда шашка, шахмат ярышлары уздырылып җиңүчеләр билгеләнде. Хәзер әлеге укучылар мәктәп беренчелеге өчен көч сынаша.

18-19 февральдә, мәктәп беренчелегенә кызлар һәм егетләр арасында волейбол ярышлары булып узды. Кызлар арасында 1 урында - 6-7 кл,; 9а-10 кл; 2 урында - 5-8 кл, 9б-11 кл; егетләр арасында - 1 урында-5-8 кл, 2 урында 6-7 кл укучылары алды. Өлкән класс егетләре арасында 1урын-10 кл; 2 урын-9б кл; 3 урын-9а кл, 4 урын - 11 классларга бирелде.

Татар теле укытучылары арасында “Мастер класс” конкурсының муниципаль этабында, мәктәбебезнең татар теле һәм әдәбияты укытучылары Гарипова Хәлимә Нурисламовна “Иң яхшы дәрес эшкәртмәсе” номинациясендә, Хаҗиева Ләйсән Мансуровна “Иң яхшы визитка авторы” номинациясендә урыннар яуладылар.

Шиһабетдин Мәрҗани исемендәге республикакүләм фәнни-гамәли конференциядә катнашып 8 класс укучысы Хакимуллина Иркә грамота һәм рәхмәт хаты, Хабибуллина Ландыш рәхмәт хаты белән бүләкләнделәр.

Ел укытучысы конкурсының муниципаль этабында катнашып мәктәбебезнең тарих укытучысы Нәбиева Гөлчәчәк Ильфаковна 3 урынны яулады.