5-8 класслар өчен, Ватанны саклаучылар көне уңаеннан, бәйрәм уздырылды. Классташлар малайлар хөрмәтенә кызлар бәйрәм концерты күрсәттеләр. Соңыннан дискотека уздырылды.

Чепья мәдәният йортында “Созвездие-Йолдызлык” фестиваленең сайлап алу туры уздырылды. Мәктәбебез укучылары әлеге фестивальдә катнашып, уңышлы чыгыш ясадылар.

Малмыж шәһәрендә “Нократ моңнары” дип исемләнгән регионара конкурс булып узды. Әлеге конкурста безнең мәктәпнең “Радуга” бию коллективы да катнашты. Алар уңышлы чыгыш ясап, бию коллективлары арасында, беренче дәрәҗәдәге дипломга лаек булдылар.

Мәктәп күләмендә оборона-масса һәм спорт айлыгы кысаларында “Аҗаган” уены уздырылды. Аҗаганда һәр класс актив катнашты. Нәтиҗәдә 271 балл җыеп беренче рота 1 урынны, 269 балл җыеп икенче рота 2 урынны алды. Аҗаган тәмамланганнан соң һәр класс бердәм рәвештә чаңгы шууда катнашты.

Мәктәпкә кунакка район прокурор урынбасары Шарифуллин Фәрит Гомәр улы килде. Ул өлкән класс укучылары белән очрашты    һәм Әфганстанда хезмәт иткән вакытлары турында сөйләде. Шулай ук сәламәт яшәү рәвешен пропагандалады, терроризм-экстремизмга каршы көрәш турында аңлатты. Соңыннан укучыларның сорауларына җавап бирде.

Чепья мәктәбе базасында, район мәктәпләрендә эшләп килүче ФОРПОСТ отрядлары арасында, ярыш уздырылды. Әлеге ярышта уңышлы чыгыш ясап, безнең мәктәп командасы 3 урынны яулады.

Оборона-масса һәм спорт айлыгы кысаларында классларның мәктәпнең туган якны өйрәнү музеена керүе, андагы материаллар белән танышуы дәвам итә.

Хакимият башлыкларының чираттагы утырышында ОБЖ укытучысы Ильяс Хәмәтзәкиевич “Аҗаганга” әзерләнү тәртибен аңлатты.

ФОРПОСТ отряды членнары катнашында утырыш уздырылды. Әлеге утырышта. Отряд членнарының вазыйфалары искә төшерелде, киләчәккә бурычлар каралды.

Район күләмендә узачак “Созвездие-Йолдызлык” конкурсына катнашу өчен бию коллективлары арасында сайлап алу туры уздырылды. Иң матур бию күрсәтүче 3 коллектив зона ярышында катнашачак.