Чепья урта мәктәбе базасында отряд вожатыйлары конкурсының муниципаль этабы булып узды. Безнең мәктәптән 6 класс укучысы Мубаракова Ләйлә катнашты. Ул берничә төр конкурс узып 2 урынны яулады.

Мәктәптә 1 февральдән 1 мартка кадәр Оборона-масса һәм спорт айлыгы бара.

10 класс укучылары Габделганиева Ләйсән, Газимзянова Гүзәлләр армспорт буенча Түбән Новгород шәһәрендә узган регионара ярышларда катнаштылар. Алар икесе дә уңышлы чыгыш ясап 3нче һәм 2нче урыннарны алып кайтты лар.

Мәктәбебезнең педагог-организаторы Рахматуллина Резеда район күләмендә уздырылган педагог-организаторларның кабинет конкурсында катнашты.

8 класс укучылары район күләмендә узачак “Мы дети универсиады” дип исемләнгән КВНга әзерләнәләр. Алар әлеге программаны мәктәп укучылары игътибарына тәкъдим иттеләр.

Район күләмендә бертуган Ахмадиевлар призына көрәш ярышы оештырылды. Әлеге көрәштә мәктәбебездән көрәшчеләр командасы катнашты һәм 2 урынны яуладылар. Ә Ахметханов Ильдан һәм Рамазанов Рөстәмнәр үз авырлыкларында 1 рынны алуга ирештеләр.

Бу көннәрдә укучылар үзидарәсе членнары укучыларның  мәктәп формасыннан йөрүләрен тикшерү максатыннан рейдлар уздырдылар. Тикшерү вакытында кимчелекләр дә күзәтелде, кисәтүләр ясалды.

Район күләмендә “Ел укытучысы” бәйгесе бара. Безнең мәктәптән тарих укытучысы Нәбиева Гөлчәчәк Ильфак кызы әлеге бәйгедә катнашты. Ул Норма урта мәктәбендә дәрес һәм тәрбия сәгате күрсәтте.

10 класс укучылары ел дәвамында батырлар өчен куелган обелискны, 5 класс укучылары Габдулла Гарифуллин һәйкәлен карап торалар. Кыш көне һәйкәлләрне кардан арындыру аларның төп вазыйфалары. Алар әлеге эшне график буенча башкаралар. Моның өчен шәфкатьлелек бүлеге мөдирләре җаваплы.

Республика күләмендә балалар оешмалары арасында уздырылган конкурсларның муниципаль этабы узды. Безнең “Хыял” балалар оешмасыннан “Миру-мир” дип исемләнгән рәсем, интер националь дуслыкка багышланган публикацияләр һәм  “Пионеры новой эры” дип исемләнгән компьютер эшләре конкурсына эшләр җибәрелде.