Мәктәп яны лагерында балалар өчен кызыклы ярышлар. Очрашулар, районыбызның, авылыбызның истәлекле урыннарына сәяхәтләр оештырыла.

“Кояшкай” лагеры үзенең эшен башлап җибәрде.

Бүген мәктәп күләмендә 19 май- пионериянең туган көне билгеләп үтелде. 1-7 сыйныф укучылары өчен "Кемнәр алар пионерлар?" дигән темага әңгәмә уздырылды һәм пионериягә багышланган презентацияләр  күрсәтелде. 

Пионерянең туган көне уңаеннан "Мин- варис" дип исемләнгән бәйрәм уздырылды. Әлеге бәйрәмдә 4 сыйныф укучылары Татарстан Варислар Берлегенә кабул ителделәр. 4 сыйныф укучылары "югалган" галстукларын күп кенә көч куеп эзләп таптылар. Аларга галстукларны кайчандыр пионер сафларында тәрбияләнгән укытучы апалары бәйләде. Дүртенчеләр үрнәк варис булырга, варисларның законнарын төгәл үтәргә иптәшләре алдында сүз бирделәр.

Мәктәпләр арасында узган JuniorSKills конкурсына йомгак ясалды.  Әлеге конкурс кысаларында иң яхшы дип табылган һөнәрләр  район күләмендә фестивальдә катнашты. Аларга дипломнар тапшырылды. Әлеге юнәлеш буенча мәктәбебез район күләмендә 3 урынга лаек булды.

15 май- Гаилә көне буларак билгеләп үтелде. Әлеге уңайдан мәктәптә әхлак түгәрәге җитәкчесе Лилия Накиповна укучылар белән очрашты. Ул укучыларга гаилә кыйммәтләре, иртә гаилә төзүнең авырлыклары, гаилә әгъзаларының вазыйфалары турында сөйләде. Ул соңыннан укучыларны кызыксындырган сорауларга җаваплар бирде.

Уку елы ахырына якынлашуга карамастан район күләмендә конкурслар дәвам итә, ә без әлеге конкурсларда теләп катнашабыз һәм приәзлы урыннар да яулыйбыз. 7 сыйныф укучысы Хайруллина Диләрә “Юность России” дип исемләнгән фотографияләр конкурсында катнашып “Пейзаж” номинациясендә 3 урынны яулады.

Мәктәбебез икенче ел рәттән ил күләмендә узучы “Үлемсез полк” акциясенә кушыла. Быел да барлык укучылар һәм укытучылар сугыш батырларының портретларын тотып авыл урамнары аша уздылар.

Бөек Җиңүнең 71 еллыгы хөрмәтенә авыл күләмендә зур тантана уздырылды. Әлеге чарада мәктәбебез укучылары да актив катнашты. Авыл уртасында урнашкан обелискка һәм Габдулла батыр каберенә укучылар үз куллары белән ясаган веноклар салдылар, яу каһарманнарын 1 минут тынлык белән искә алдылар. Шулай ук укучыларыбыз тантанада катнашучыларга шигъри тәлгәшләр бүләк иттеләр.

Республика күләмендә узучы “Лес Победы” акциясенә кушылып безнең мәктәптә дә агач утырту акциясе еоштырылды. Әлеге акция барышында 88 төп нарат агачы утыртылды, алдагы елларда утыртылган үсентеләрнең төпләре чистартылды.